Owganystanda terror guramasy DAEŞ-e garşy operasiýa geçirildi
Berilen beýanatda operasiýalarda howpsyzlyk güýjinden 2 esgeriň ýogalandygy habar berildi
526601
Owganystanyň Nangarhar welaýatynda terror guramasy DAEŞ-e garşy geçirilen operasiýada guramanyň 31 agzasy öldürildi.
Goranmak ministrligi tarapyndan berilen beýanatda ýurduň gündogaryndaky Nangarhar welaýatynyň Kot etrabynda DAEŞ-e garşy operasiýanyň depgininiň güýçlendirilendigi bellenýär.
Soňky 24 sagatda howadan we gury ýerden guralan operasiýalarda guramanyň 2 agzasynyň hem ýaralanandygy beýanatda mälim edilýär.
Beýleki tarapdan bolsa soňky 24 sagatda ýurduň tapawutly welaýatlarynda Talibana garşy geçirilen operasiýalarda guramanyň 8 agzasy öldürildi, köp mukdarda ýarag we ok-däri ele salyndy.
Berilen beýanatda operasiýalarda howpsyzlyk güýjinden 2 esgeriň ýogalandygy habar berildi.