Fransiýada kanun taslamasyna garşy protest ýörişler guraldy
Fransiýada hökümetiň kabul etmek isleýän kanun taslamasyna garşy kärdeşler arkalaşygynyň çagyryş bermegi netijesinde ýurduň ençeme şäherinde protest ýörişler guraldy
Paýtagt Parižiň Bastiliýa meýdançasynda jemlenen demonstrantlar Italiýa meýdançasyna çenli ýöriş gurap, nägileleiklerini bildirdiler.
Parižiň Gubernatorlygy tarapyndan berilen ýazmaça beýanatda protest ýörişine 15 müň, kärdeşler arkalaşygynyň berýän habaryna görä bolsa protest ýörişe 55 müň adam gatnaşandygy bellenýär.
Pariždaky protest ýörişinde polisiýa gullugynyň işgärleri bilen protetçileriň arasynda çaknyşyk bolmasada, polisiýa işgärleri ýöriş ýoluň bellenen ýerinden daşyna çykan protestçilere garşy gözüňi ýaşardýan gaz ulandy.
Içeri işler ministrligi tarapyndan berilen ýazmaça beýanatda paýtagt Parižde 2 müň 700 polisiýanyň gözegçilik etmeginde geçirilen protest ýörişinde 38 adam göz tussaglygyna alyndy.
Polisiýa gullugyndan alynan maglumata görä Marsiliýadaky ýörişe 3 müň adam, Nantesdäki ýörişe 2 müň adam, Bordo şäherinde geçirilen protest ýörişine bolsa 1 müň 650 adam gatnaşdy.
