Fallujany yzyna almak üçin operasiýalar dowam edýär
Yragyň günbataryndaky Anbar welaýatynyň Falluja şäherini DAEŞ-den yzyna almak üçin başladylan operasiýa dowam edýär
![Fallujany yzyna almak üçin operasiýalar dowam edýär](http://cdn.trt.net.tr/images/xlarge/rectangle/352a/4e29/d052/5746d3958cab3.jpg?time=1719177137)
23-nji maýda başladylan bilelikdäki operasiýa Yragyň harby güýçleri, polis guramasyna degişli güýçler, şaýy söweşijilerden emele gelýän Haşdi Şabi we sünni taýpalarynyň ýaragly güýçleri gatnaşýar.
ABŞ-nyň öňbaşçylyk etmegindäki halkara hyzmatdaşlygyna degişli güýçleriň harby uçarlary hem yrakly güýçlere goldaw berýär.
DAEŞ-e garşy halkara hyzmatdaşlygynyň metbugat geňeşçisi Stiw Warren Bagdatda geçiren metbugat ýygnagynda hyzmatdaş güýçlerine degişli uçarlaryň DEŞ-iň Fallujadaky ýerlerine 30 hüjüm gurandygyny aýtdy.
Warren yrakly güýçlerin golaýda 5 kilometr alysdaky Fallujanyň şäher merkezine girjekdigini mälim etdi.
Stiw Warren şol güýçleriň hatarynda sünni taýpalaryndan 4 müň adamyň boljakdygyny nygtady.
Yragyň hökümeti Fallujany alyp, soň bolsa DAEŞ-in ýurtdaky esasy merkezi bolan Mosuly halas etmegi maksat edinýär.