Siriýada zamun alynan amerikaly žurnalist boşadyldy
ABŞ-nyň Döwlet sekretarlygy 33 ýaşyndaky žurnalist Dowsyň boşadylandygyny habar berdi
Siriýada Asada tabynlykdaky güýçler tarayndan zamun alynan Amerikanyň raýaty žurnalist Kewin Patrik Dows boşadyldy.
ABŞ-nyň Döwlet sekretarlygy 33 ýaşyndaky žurnalist Dowsyň boşadylandygyny habar berdi.
Kewin Patrik Dowsyň 2012-nji ýylda Siriýa gidendigi nygtaldy.
Rus ýolbaşçylaryna tabşyrlan Dows Moskwa getirildi.
Russiýanyň Daşary işler ministrligi hem Dowsyň ABŞ-nyň Moskwadaky ilçihanasy arkaly Amerika ugradylandygyny mälim etdi.
Russiýanyň Daşary işler ministrligi tarapyndan berlen beýanatda ABŞ-nyň Prezidenti Barak Obamanyň Russiýanyň Prezidenti Wladimir Putinden Amerikanyň Siriýadaky raýatlarynyň tapylmagy üçin kömek sorandygy nygtaldy.
ABŞ-nyň Döwlet sekretarlygynyň metbugat geňeşçisi Mark Toner hem Dowsyň boşadylmagy üçin tagalla eden rus hökümetine minnetdarlygyny bildirdi.
