"Russiýa Siriýada harby jenaýat etdi"
Hassan Russiýa bilen Siriýanyň hökümetiniň harby jenaýat edýändigine ünsi çekdi
Halkara günä geçişlik guramasy Russiýanyň Siriýada harby jenaýat edendigini aýtdy.
Halkara günä geçişlik guramasynyn ýolbaşçylaryndan Tirana Hassan Sky Nýus telewideniýe kanalyna beren beýanatynda Russiýanyň soňky ýyllarda edilen harby jenaýatlardan käbiriniň jogapkäridigini nygtady.
Rus harby uçarlarynyň soňky hepdelerde Siriýada bilkastlaýyn ýaşaýyş ýerlerini we meýletinleri, mekdepleri, hassahanalary we ýaşaýyş jaýlaryny nyşana alýan hüjümlerini dowam etdirýändigini ýatladan Hassan, Russiýa bilen Siriýanyň hökümetiniň harby jenaýat edýändigine ünsi çekdi.
Hassan Russiýa bilen Siriýanyň hökümetiniň mundan başgada ýogalanlary we ýaralananlary almaga gelen meýletinlere we asuda ilata garşy bombaly hüjüm gurandygyna ünsi çekdi.
Russiýa Siriýada 4 aýdan gowrak wagt bäri guraýan howa hüjümlerinde oppozisionerleriň gözegçiligi astyndaky 27 mekdep bilen 27 saglygy dikeldiş merkezini nyşana aldy.
BMG Siriýada 15-nji fewralda 4 hassahana we 1 mekdebe guralan hüjümde azyndan 46 adamyň ýogalandygyny, 70-den gowrak adamyň hem ýaralanandygyny habar beripdi.
