Rus harby uçarlary Halapda wakum bombasy bilen hüjüm gurady
Hüjümler sebäpli ýokarda ady agzalýan etrapçalarynyň haraba öwrülendigi nygtalýar
Rus harby uçarlarynyň Halap şäherinde oppozisionerleriň gözegçiligi astyndaky asuda ilata garşy wakum bombasy bilen guran hüjüminde 15 adam ýogaldy, 20 adam ýaralandy.
Mesele barasynda berlen beýanata görä, rus harby güýçlerine degişli harby uçarlar Halap şäheriniň merkezindäki Salihiýn, Kerm Tarrab we Şyh Said mähelleleri bilen şäheriň demirgazygyndaky Anadan etrapçasy bilen şäheriň günortasyndaky Han Tuma etrapçasyna wakum bombasy bilen hüjüm gurady.
Howa hüjümleri sebäpli ýokarda ady agzalýan etrapçalarynyň haraba öwrülendigi nygtalýar.
Beýleki tarapdan şäheriň günortasyndaky meýletinlerden Hüseýin Abdulfettah rus harby uçarlarynyň ir ertirden bäri şäheriň günortasynda oppozisionerleriň gözegçiligi astyndaky ýerleri bombalaýandygyny aýtdy.
