Ukrainanyň gündogarynda hüjümler bes edildi

Belarusyň paýtagty Minskde geçirlen gepleşiklerde gazanylan ylalaşyga laýyklykda taraplaryň arasynda ýesirler çalşylar.

Russiýanyň Prezidenti Wladimir Putin bilen Ukrainanyň Prezidenti Petro Poroşenkonyň geçiren telefon söhbetdeşligine laýyklykda taýarlanan 12 maddalyk şertnama resmi Kiew bilen resmi Moskwanyň ylalaşyk gazanan ilkinji resminamasy aýratynlygyna eýe.

Şertnama laýyklykda düýn agşam sagat 18:00-da çaknyşyklar bes edildi.

Taraplar günüň dowamynda front liniýasyndan çekiler we ýesirler çalşylar.

Çaknyşyklarda haraba öwrülen şäherlere hem ynsanperwer kömegi berler.

Ukrainanyň köpçülikleýin habar beriş serişdeleri şertnamanyň Donetsk we Lugansk sebitlerine ýörite statusyň berilmegini göz öňünde tutýandygyny habar berdi.

Ukrainanyň Premýer ministri Arseni Ýatsenýuk ABŞ-nyň we ÝB-niň beren goldawlary sebäpli ylalaşygy kabul etmäge mejbur bolandyklaryny nygtady.

Soňky günlerde Ukrainanyň ýaragly güýçlerine garşy hüjüme geçen we esasy ýerleri gözegçiligi astyna alan seperatistler, ylalaşygyň Ukrainadan aýrylmak barasyndaky kararlaryny üýtgedip bilmejekdigini nygtady.

Ukrainanyň gündogarynda aprel aýyndan bäri dowam edýän çaknyşyklarda 2800 adam ýogaldy, ýüz müňlerçe adam öýsüz galdy, ykdysadyýetiň özeni hasap edilýän Donbas sebitinde kömür magdanlary we fabrikler ýapyldy.