تورکیهنین کولتور خزانهسی (49)
آکدامار آداسی چوخ افسانه ایله قاریشدیریلیر محتشم بیر یئردیر. وان ویلایتده باغلی گئواش محلی یاخینلاریندا اولان بیر کؤرپودن گمیلرله ساحله اولدوقجا یاخین اولان آدا-یا چاتیلار
تورکیهنین کولتور خزانهسی (49)
تورکیهنین کولتور خزانهسی بو هفته سیزلره شرق آنادولودا اولان اؤلکهمیزین ان بؤیوک گؤلونون اوزرینده اولان آکدامار آداسینی تانیداجاغیق. آکدامار آداسی بیر ارمنی مناستیری و بؤیوک بیر کیلسه ساخلاییر.
--------
آکدامار آداسی چوخ افسانه ایله قاریشدیریلیر محتشم بیر یئردیر. وان ویلایتینده باغلی گئواش محلی یاخینلاریندا اولان بیر کؤرپودن گمیلرله ساحله اولدوقجا یاخین اولان آدا-یا چاتیلار. آدا و اوزرینده اولان کیلسه اؤلکهمیزین اهمیتلی توریزم مرکزلریندن بیریدیر. 70 مین متر مربع گئنیشلیگه و 3 کیلومتره چاتان ساحلینه مالیکدیر. آدانین غربینده اولان 80 متر یوکسکلیگه صاحب دیک یاماجلاریندا و اینسانی حیرته سالان اوچوروم عینی زاماندا وان گؤلونو یورد الده ائدن مینلرله مارتینی ساخلایار. مینلرله مارتینین قیشقیریق قیشقیریغا اوچوشو معجزه بیر منظره یارادیر. آکدامار آدینین آدینین بوراداکی کیلسهده یاشایان کئشیشین دیللره داستان گؤزللیگینه وورولان بیر گنجله یاشادیغی عشقدن قایناقلاندیغینا اینانیلار. گنجله تامارا آدینداکی قیز عشقلرینی آدادا گیزلیجه گؤروشهرک یاشاماقدادیر. گون باتیمیندا بیر ال چیراغی یاندیراراق ساحلدکی گنجه سیگنال وئریر تامارا. الچیراغین ایشیغینا دوغرو اوزن گنج سئوگیلیسیله گؤروشر. وضعیتی اؤیرنن کئشیش، چوخ حیرصلنر و قیزینی بو سئودادان قورتارماق ایستییر. وان گؤلونده دنیزی آختارتدیرمایاجاق بؤیوک فیرتینالار یاشانار. گؤل اوستو سانکی گؤی اوزویله بیرلشیر بؤیوک دالغالار میدانا گلر. فیرتینالی بیر گئجهده تامارا جوانین یوزمئیهجگینی دوشونهرک ائوده قالار. کشیش فورصتدن ایستیفاده ائدهرک بیر ال چیراغی یاندیرار و ساحلده دورور. ال چیراغینین ایشیغینی گؤرن جوان تامارانین اؤزونو گؤرمک ایستدیگینی دوشونور و الچیراغینین ایشیغینا دوغرو اوزمهیه باشلاییر. کشیش بیر او طرفه بیر دیگر طرفه فنری داشیماقدادیر. بؤیوک دالغالارلا موباریزه ائدن جوان ال فنرینین داواملی یئر دییشدیرجگیندن وان گؤلونون آزغین سولارینا مغلوب دوشر سون نفسینی "آه تامارا" دئیهرک وئریر. بؤلگهده آدانین آدینین بو حادثهدن قایناقلاندیغینا اینانیلماقدادیر.705-جی ایلده بؤلگهده حؤکم سورن بیر ارمنی عائلهنین سیاسی مرکزیکن بیر باشقا ارمنی سولالهنین مغلوب اولاراق بؤلگه ال دییشدیریر. 9. یوز ایل'ده، 1. گاگیک بؤلگهدکی ارمنی و مسلمانلارلا راضیلاشاراق مرکزینی بورا داشیییر. او دؤورده آدادا گئنیش بیر قصبه، کیلسه، بازار و لیمان وار ایدی. 1535دکی عثمانلی-ایران ساواشینا قدر آدادا یاشایانلارین اولدوغو دوشونولور. 16. یوز ایلدن سونرا آدادا مقدس خاچا هدیه ائدیلمیش بیر مناستیر وارلیغینی داوام ائتدیردی. گونوموزدکی آکدامار کیلسهسی 1. گاگیک طرفیندن قودسدن گتیریلن و حضرت عیسینین چارمیخا گریلدیگینی اینانیلان خاچین بیر پارچاسینا هدیه ائدیلمیشدی. اورتا عصر کیلسه معماریسینین نادیر نومونهلریندن اولان کیلسه قیرمیزی آندزیت داشیندان ائدیلمیشدیر. خاریجی جبههسینده داش قابارتمالاردا مقدس کیتابدان مختلیف موضوعلار اله آلینمیشدیر. کیلسه ییخیلماق اوزریکن او دؤورده ژورنالیستیک ائدن مشهور ادبیاتچیمیز یاشار کمالین مداخیلهسی داغیتمادان قورتولان کیلسه ایندیکی واختدا شرق آنادولونون ان چوخ توریست چکن یئرلریندندیر.
--------
1. دونیا ساواشی نتیجهسینده بولشئویک ایحتیلالیله ایچ قاریشیقلیقلاردان تأثیرلنن روس اوردولارینین ایشغاللارینا بوراخاراق بؤلگهدن چکیلمسیله ارمنی اهالی دا وان بؤلگهسیندن آیریلدی. عثمانلی ایمپراتورلوغو بویونجا او گونه قدر میلت صادیق( صادیق میلت) اولاراق قبول گؤرن ارمنیلر 1877ده یاشانان روس-عثمانلی ساواشی نتیجهسینده روسیانین پروپاگاندالارییلا عصیان تلاشلاری ائتدیلر. بو ساواش سونراسی واریلان راضیلاشما گریی روسیا عثمانلی ایمپراتورلوغونداکی خریستیانلارین هامیسی عنوانینی الده ائتدی. پلانلی بیر شکیلده یوزلرله ایلدیر بیرلیکده یاشایان خالقلار آراسیندا اوچوروملار یارادیلدی. خریستیانلارین سیلاحلاندیریلاراق بیر سونراکی ساواشدا روسیانین الینی گوجلندیرمهسینه چالیشیلدی. 1. دونیا ساواشی بویونجا بؤلگهده مختلیف عصیانلار و قارشیلیقلی اؤلوملر رئاللاشدیریلدی. ساواش اثناسیندا عصیانلارین وطنین گلهجگینی و ساواشا منفی تأثیرلرینی دوشونن عثمانلی حکومتی ضروری بیر تحجیر- کؤچ ائتدیرمه سیاستی رئاللاشدیردی. خریستیان اهالی داها اعتبارلی بؤلگهلره کؤچ ائتدیریلدی. کدرلی حادثهلر یاشاندی. خریستیانلارین ایستانبول خاریجینده آنادولودا قالامایاجاغی فیکری ایله لوزانا راضیلاشماسییلا بیر دییشمه-موبادیله ائدیلمهسی قرارلاشدیریلدی. مینلرله ایلدیر عینی یئرده یاشایان آنادولودا اولان خریستیانلار بؤیوک نیسبتده یونانیستانا گئدرکن اورادان گلن مسلمان تورکلر آنادولویا یئرلشدیریلدی.
-------
2005-2007-جی ایللر آراسیندا مدنیت باخانلیغیمیزجا تورکیه ارمنیلری و قونشو ارمنیستان ایله مناسیبتلرین گلیشدیریلمهسی ایشلری چرچیوهسینده آکدامار کیلسهسی رستوره ائدیلدی. 2010-جی ایلده ارمنی پاتریک وکیلی آرام آتشیان رهبرلیگینده بیر آیین تشکیل ائدیلدی. بو حادثه 95 ایل سونرا بورادا رئاللاشان ایلک آیین خصوصیتی داشیییر. کئچمیشده یاشانان طالعسیزلیک گؤزل بیر گلهجک تیکمهمیزی مانع تؤرتممهسی لازیمدیر. آکدامار آداسی و اوزرینده اولان کیلسه شرق آنادولودا گزیلمسی لازیم اولان اهمیتلی توریزم مرکزلریندن بیری اولما خصوصیتینی داشیییر. گونون بیرینده بؤلگهنی زیارت ائتسهنیز موطلق آکدامار آداسینی و گؤزللیکلرینی یئرینده گؤرمهنیز دیلییله.
ایلگیلیلی خبرلر
تورکیهنین کولتور خزانهسی (51)
سارنیج 527-565 تاریخلری آراسیندا شرق روما ایمپراتورو اولان 1. ژوستینین دؤورونده ائدیلدی