تورکیهنین کولتور خزانهسی (51)
سارنیج 527-565 تاریخلری آراسیندا شرق روما ایمپراتورو اولان 1. ژوستینین دؤورونده ائدیلدی
تورکیهنین کولتور خزانهسی (51)
تورکیهنین کولتور خزانهلرینی بو هفته سیزلره ایستانبولون سمبول مکانلاریندان یئرهباتان سارنیجیا/ آنبار موزهسینی تانیداجاغیق. سارنیج آیاصوفیانین جنوب-غربینده یئرلشیر. بو بؤیوک اثر یاغیش سولارینین بیریکدیریلهرک شهرین سو احتیاجینی قارشیلاماق اوچون ائدیلمیشدیر. بو بؤلگهده داها اوّللر بیر بازیلیکا/ سارای اولدوغوندان اؤتورو خالق آراسیندا بازیلیکا سارنیجی اولاراق دا بیلینیر.
سارنیج 527-565 تاریخلری آراسیندا شرق روما ایمپراتورو اولان 1. ژوستینین دؤورونده ائدیلدی. یولدان آشاغی دوغرو پیللکنله اینیلن سارنیج سویون ایچیندن گؤیه دوغرو یوکسهلن تصوراتی وئرن سایسیز سوتونلاری سببیندن "یئرهباتان سارنیجی" اولاراق آدلاندیریلدی. سارنیج 140 متر اوزونلوغوندا 70 متر گئنیشلیگیندهدیر. هر بیری 9 متر یوکسکلیگینده 336 سوتونلا سانکی گؤیه دوغرو چیخیرمیش کیمیدیر. 4.80 م فاصیلهلرله تیکیلن سوتونلار هر بیری 28 سوتونلو 12 سیرایلا گؤرنلری اؤزونه حیران بوراخیر. یئرهباتان سارنیجی سیزی بو دونیادان آلیب باشقا دونیالارا گؤتورور. قورولوشون گؤرکمیندن حیرته دوشر، تاثیرلنر. بئله بیر قورولوشو حاضیرلاییب تیکمه سینی حیاتا کئچیرمک 1500 ایل اوّلی اوچون بؤیوک بیر موهندیسلیک داهیلیگینین. بو سوتونلارین بیر چوخو داها اسکی آلت یاپیلاردان دئوشیریلهرک بورادا ایستیفاده ائدیلمیشدیر. تاریخ بویونجا بیر چوخ محاصیره یاشایان ایستانبول شهرینین ساکینلری نورمالدا سو کمرلریله اوزاق قایناقلاردان تامین سو احتیاجینی محاصیره دؤورلرینده بورادان تامین ائدیردی. بو اطرافدا اولان روما سارایینین سو احتیاجی دا بورادان گیدئریلیردی. سوتونلاردان 98 ی کورینت اوسلوبوندا گئری قالانلارین چوخو دور اوسلوبویلا ائدیلمیشدیر. کمرلرله بیر-بیرینه باغلانان سوتونلار بو سایهده اوست اؤرتوگو میدانا گتیرر. سارنیجین زمینی کرپیجدن ائدیلمیش اوستو قالین بیر خوراسان مالاتی دئیه تانینان گونوموز بتونونا بنزهین سیوایلا اؤرتولموشدور. بو شکیلده زمیندن سو ایتکیسی اؤنلنهبیلمیشدیر. داواملی سویلا تماس ائدن بتون زامانلا بوزولورکن سارنیج خوراسان مالاتی اوزوندن 1500 ایلدیر محکم آیاقدادیر. تخمینن 9800 متر مربع یئر اولان سارنیج 100 مین تون سو کاپاسیتهلیدیر. قوزئی- باتی کونجونده ایکی سوتونون آلتیندا قاعده اولاراق ایکی مئدوسا باشی ایستیفاده ائدیلمیشدیر. یونان میفولوژیسینده ناظیری داشا چئویردیگینی اینانیلان باشیندان چیخان بیر چوخ ایلانلا تصویر ائدیلن مئدوسا کاراکتری بو پیس اونوندن اؤتورو بورادا باش آشاغی اولاراق قویولموشدور. عثمانلیلار طرفیندن فتحیندن سونرا دا سو احتیاجی اوچون بیر مدت ایستیفاده ائدیلن سارنیج ایسلامیتده آخمایان دورغون سولارین تمیز اولا بیلمیهجگی سئچیمیله زامانلا ایستیفاده اولدو. توپقاپی سارایینین باغچالاری بورادان سولاندی. 1544ده ایستانبولا گلن بیر هولندلی سیاح بو بؤلگهدکی ائولرین بعضیلرینده قویودان سو چکیلدیگینی و حتی بالیق توتولدوغونو فرق ائدر چاشار. آراشدیرمالاری نتیجهسینده سارنیجی تکرار کشف ائدر. یئرهباتان سارنیجینین اؤلچولرینی چیخاران بو سیاح گؤردوکلرینی سیاحتنامهسینده یایینلار و باتی دونیاسینا تانیدیر. اؤزوندن سونراکی بیر چوخ سیاحی تأثیر ائدر. گونوموز باراژلاریندا بوخارلاشما سببی ایله % 40 آ چاتان ایتکیلر یاشانماقدادیر. 1500 ایل اوّل بوخارلانما پروبلمینی صیفیرا ائندیرن یئر آلتی آنبارلار فیکری بلکه ده گلهجکده شیرین سو ایستیفادهسی احتیاجینین آرتماسی ایله علم آداملارینین دا یؤنلهجگی بیر فیکیر اولاجاق.
--------
ادبیاتدا و سینمادا دا تأثیرلری گؤرولن یئرهباتان سارنیجی سون اولاراق یئنی گؤستریمه گیرن، باش رولوندا توم هانکسین اوینادیغی دانتهنین ایلاهی کومئدیسیندن تأثیرلنن اینفرنو-جهنم فیلمینین فینال صحنهلرینده یئر آلدی. دونیا سویهسینده یئرهباتان سارنیجینین شهرتینه شهرت قاتاجاغی دوشونولن بو فیلم ده ایستانبولا یؤنلیک توریزم طلبینی مثبت ایستیقامتده تأثیر ائدهجک. تاریخ بویونجا بیر چوخ تمیر کئچیرن سارنیچ ایندیکی واختدا ایستانبول بؤیوکشهر بلدیهسی طرفیندن ایشلهدیلن بیر موزه اولاراق خیدمت وئرمکدهدیر. بورادا کونسرتلردن، توپلانتیلارا قدر بیر چوخ فعالیت حیاتا کئچیریلیر. ایستانبولا ائدجگینیز سفرده موطلق سیاحیق لازیم اولان یئرلردندیر. گلهجک هفته تکرار گؤروشمک دیلییله.
ایلگیلیلی خبرلر
تورکیهنین کولتور خزانهسی (51)
سارنیج 527-565 تاریخلری آراسیندا شرق روما ایمپراتورو اولان 1. ژوستینین دؤورونده ائدیلدی