قیرقیزیستان، اینسانسیز هاوا آراجی صادراتینی قاداغان ائتدی
"شیرکت، بو ایهالارین اکینچیلیک آماجلی اولدوغونو بیلدیردی. آنجاق بونا باخمایاراق آرتیق ایهالارین صادراتینی قاداغان ائتدیک"
قیرقیزیستان جمهورباشقانی سادیر جاپاروو، اؤلکه‌سینین روسیایا قارشی تحریملری دلدیگی ادعالارینا باغلی،
"اینسانسیز هاوا آراجلارینین (ایها) صادراتینی قاداغان ائتدیک" دئدی.
جاپاروو، اولوسال کابار خبر آژانسینا، قیرقیزیستان‌دان ترانزیت تیجارته قونو اولان ۱۴ زراعی اینسانسیز هاوا آراجینا قازاقیستان‌دا ال قویولماسییلا باغلی دانیشدی.
قیرقیز فیرماسینا عاید ایهالاری احتیوا ائد‌ن بیر یوکه قازاقیستان‌دا ال قویولدوغونو ایفاده ائد‌ن جاپاروو،
"شیرکت، بو ایهالارین اکینچیلیک آماجلی اولدوغونو بیلدیردی. آنجاق بونا باخمایاراق آرتیق ایهالارین صادراتینی قاداغان ائتدیک" ایفاده‌سینی ایشلتدی.
جاپاروو، اؤزونه، بعضی مئدیا اورگانلارین‌دا چیخان، "آمریکالی سناتور رابرت مندزین روسیایا تطبیق اولونان تحریملره اویما‌سینی ایستدیگی بیر مکتوب یازدیغینا" دایر خبرلرله باغلی،
"سناتورون مکتوبونا گلینجه، بیر چوخ مشهور سیاست‌چی‌دن مکتوب آلیرام. بیز موستقیل بیر اؤلکه‌ییک. بوتون اؤلکه‌لرله برابر ایلیشکیلره صاحب اولماغا داوام ائدجییک. چوخ طرفلی بیر خاریجی سیاست ایزله‌یه‌جییک" ایفاده‌لرینی ایشلتدی.
جاپاروو، روسییا و اوکراینا قونوسون‌دا باشین‌دان بری طرفسیز بیر توتوم ایچین‌ده اولدوقلارینی و بو توتوما باغلی قالاجاقلارینی وورغولادی.
قیرقیزیستان، آمریکا بیرلشمیش دؤولتلری، آوروپا بیرلیگی و اینگیلتره ایله موشاویره‌لرین آردین‌دان عسگری و "ایکی قوللانیملی لوازیمین" یاسا دیشی تیجارتینی اؤنله‌مک اوچون بیر سیلسیله تدبیر باشلاتدیغینی بیلدیرمیشدی.
