قیرقیزیستان چین-قیرقیزیستان-اوزبکیستان دمیر یولو پروژه‌سینی تصدیقلَییب

اورتا آسیادا عصرین پروژه‌سی اولاراق گؤرولن و چین و اورتا آسیانی اوروپایا بیرلشدیره‌جک پروژه‌نین بو ایلین سونوندا باشلایاجاغی آچیقلانیب

2154224
قیرقیزیستان چین-قیرقیزیستان-اوزبکیستان دمیر یولو پروژه‌سینی تصدیقلَییب

قیرقیزیستان پارلمانی چین-قیرقیزیستان-اوزبکیستان دمیر یولو پروژه‌سی سازیشینی تصدیقلَییب.

میللی مجلیسین صدری نورلانبئک شاکی‌یئوین صدرلیگی ایله کئچیریلن 90 یئرلیک پارلمان باش قورولوندا چین-قیرقیزیستان-اوزبکیستان دمیر یولو پروژه‌سی سازیشی ایله باغلی قانون لایحه‌سی موذاکیره ائدیلیب.

تکلیفی باش قورولا تقدیم ائدن نقلیات و ایلتیشیم (ارتباطات) ناظیرینین معاوینی ایریسبئک باری‌یئو «قانون لایحه‌سی چین-قیرقیزیستان-اوزبکیستان دمیر یولونون تیکینتیسی پروژه‌سینین عملی ایجراسینا باشلانیلماسینا ایمکان وئره‌جک» دئییب.

بارییئو، "چین-قیرقیزیستان-اوزبکیستان دمیر یولو پروژه‌سی گونئی‌دوغو، باتی آسیا و یاخین دوغو اؤلکه‌لرینین بازارینا چیخیش تامین ائده‌جک. بو یول چین‌دن قیرقیزیستانا، ائله‌جه‌ده اورتا آسیا و یاخین دوغو اؤلکه‌لرینه ماللارین داشینماسینا امکان وئره‌جک. تورکیه‌ده داخیل اولماقلا، اوروپا بیرلیگینه چاتدیریلماسینی تامین ائده‌جک." دئدی.

مجلیس نوماینده‌سی گولیا کوژوکولووا قیرقیزیستان ایقتیصادیاتینین اینکیشافینا مثبت تأثیر گؤستره‌جک قانون لایحه‌سینی دستکلدیکلرینی بیلدیریب.

دانیشیقلاردان سونرا جون آیینین 6-دا چینین پایتخاتی پکنده چین، قیرقیزیستان و اؤزبکیستان حؤکومتلری آراسیندا ایمضالانان چین-قیرقیزیستان-اوزبکیستان دمیر یولو پروژه‌سی سازیشی ایله باغلی قانون لایحه‌سی قبول ائدیلیب.

اورتا آسیادا عصرین پروژه‌سی اولاراق گؤرولن و چین و اورتا آسیانی اوروپایا بیرلشدیره‌جک پروژه‌نین بو ایلین سونوندا باشلایاجاغی آچیقلانیب.



ایلگیلی‌لی خبرلر