قیرقیزیستان و تاجیکیستان سرحدینده چاتیشما چیخدی
قیرقیزیستانین ساغلیق باخانلیغی، قیرقیزیستان طرفیندن چاتیشمادا یارالی و یا اؤلو اولمادیغی بیلدیریلیرکن، تاجیکیستان مقاملاری ایسه ۱ عسگرین اؤلدوگونو، ۲ عسگرین یارالاندیغینی آچیقلادی
1879745
![قیرقیزیستان و تاجیکیستان سرحدینده چاتیشما چیخدی](http://cdn.trt.net.tr/images/xlarge/rectangle/f065/c053/2061/608d43d94f35c.jpg?time=1719100001)
قیرقیزیستان و تاجیکیستان سرحدینده باش وئرهن سلاحلی چاتیشمادا ۱ تاجیکیستان عسگری یاشامینی ایتیردی، ۲ عسگر ده یارالاندی.
قیرقیزیستان سرحد محافظه خیدمتی طرفیندن وئریلهن آچیقلامادا، بو گون سحر ساعات ۰۷:۰۰ده باتکن بؤلگهسیندهکی تاجیکیستانلا اولان سرحدده ایکی اؤلکهنین عسگرلری آراسیندا سلاحلی چاتیشما باش وئردیگی آچیقلاندی.
ایکی اؤلکه مقاملارینین دانیشیقلاری نتیجهسینده، سلاحلی چاتیشمانین یئرلی واختلا ساعات ۱۲:۴۰دا بیتدیگی ایفاده ائدیلن آچیقلامادا، سرحد خطینده وضعیتین گرگین اولاراق قالدیغی بیلگیسی پایلاشیلدی.
قیرقیزیستانین ساغلیق باخانلیغی، قیرقیزیستان طرفیندن چاتیشمادا یارالی و یا اؤلو اولمادیغی بیلدیریلیرکن، تاجیکیستان مقاملاری ایسه ۱ عسگرین اؤلدوگونو، ۲ عسگرین یارالاندیغینی آچیقلادی.