چاووش اوغلو:"تورکیه و قوزیی قیبریس-ین حاقلارینی هئچ کسه وئرمریک"
تورکیه-نین خاریجی ایشلر ناظیری مولود چاووش اوغلو قیبریس-دا ساده جه موذاکیرهیه باشلاماق اوچون یئنیدن ماسایا اوتورمانین معناسینین اولمادیغینی بیلدیردی.
![چاووش اوغلو:"تورکیه و قوزیی قیبریس-ین حاقلارینی هئچ کسه وئرمریک"](http://cdn.trt.net.tr/images/xlarge/rectangle/7d98/2c4e/9720/5baf48beb32b2.jpg?time=1718930180)
تورکیه-نین خاریجی ایشلر ناظیری مولود چاووش اوغلو قیبریس-دا ساده جه موذاکیرهیه باشلاماق اوچون یئنیدن ماسایا اوتورمانین معناسینین اولمادیغینی بیلدیردی.
تورکیهنین خاریجی ایشلر ناظیری مولود چاووش اوغلو آنکارا اونیورسیته سینده تشکیل اولونان "دوغو آک دنیز-ده حقوق و سیاست" موضوعلو سیمپوزیومدا ایشتیراک ائتدی.
بورادا چیخیش ائدن تورکیهلی ناظیر قیبریس روم طرفینین دوغو آک دنیز-ده قاز یاتاقلارینین بیرطرفلی آختاریشینا ایمکان وئرمهیهجکلرینی بیلدیرهرک: "تورکیه و قوزیی قیبریس تورک جمهوریتی-نین حاقلارینی هئچ کسه وئرمریک" دئدی.
روم طرفینین بیرطرفلی شکیلده آدا اطرافیندا هیدروکرین یاتاقلارینین آختاریشینی داوام ائتدیردیگینی وورغولایان چاووش اوغلو: "اونلارا آچیق شکیلده دئییریک کی، بونا ایمکان وئرمیجییک. آدا اطرافینداکی ثروتلرین بؤلوشولمهسینین طرفداریییق و تورک خالقینین بورادا پایی وار" دئیه قئید ائتدی.
خاریجی ایشلر ناظیری چیخیشیندا قیبریس دانیشیقلاری ایله باغلی بونلاری سؤیلهدی: " ساده جه موذاکیرهیه باشلاماق اوچون یئنیدن ماسایا اوتورماغین بیزیم اوچون معناسی یوخدور. بیر نتیجهنین الده ائدیلمهسی لازیمدیر".
دیگر طرفدن، تورکیه-نین قوزیی قیبریس تورک جمهوریتی-نین دعوتی ایله آدا اطرافیندا قازما ایشلرینی داوام ائتدیرجگینی وورغولایان چاووش اوغلو: "دردیمیز اصلا داوا ائتمک دئییل، ثروتلرین عدالتلی شکیلده بؤلوشدورولمهسیدیر" شکلینده دانیشدی.