ایکی قارداش اؤلکه‌دن حربی امکداش‌لیق
آذربایجان و اؤزبکیستان ساوونما باخانلاری ۲۰۱۹.جو ایل اوچون حربی امکداش‌لیق پلانینی ایمضالادی
اؤزبکیستان و آذربایجان ساوونما باخانلیقلاری آراسین‌دا ۲۰۱۹.جو ایل اوچون حربی امکداش‌لیق پلانی ایمضالاندی.
اؤزبکیستان ساوونما باخانلیغی مطبوعات افیسین‌دن وئریلن معلوماتا گؤره، ساوونما باخانی عبدالسلاوم عزیزوو، مستقیل دؤولتلر بیرلیگی ساوونما باخانلارینین اوتورومون‌دا ایشتیراک ائتمک اوچون داشکندده اولان آذربایجان ساوونما باخانی ذاکیر حسنوو ایله بیر آرایا گلدی.
ایکی باخان، اؤلکه‌لری آراسین‌داکی حربی و حربی تعلیم ساحه‌لرین‌ده ایش بیرلیگی و پرسپکتیولرینین یانی سیرا حربی تکنیکی مسئله‌لرده ایلیشکی‌لرین داها دا گلیشدیریلمه‌سینی گؤروشدو.
گؤروشمه‌ده ایکی اؤلکه ساوونما باخانلاری ۲۰۱۹.جو ایل اوچون حربی امکداش‌لیق پلانینی ایمضالادی.
عزیزوو، آیریجا بلاروس ساوونما باخانی آندری راوکوو ایله ده گؤروشدو.
ایکی اؤلکه آراسین‌دا حربی و حربی تعلیم ساحه‌سین‌ده‌کی ایلیشکی‌لرین گلیشدیریلمه‌سی قونولارینین دگرلندیریلدیگی گؤروشمه‌دن سونرا ایکی اؤلکه ساوونما باخانلاری آراسین‌دا ۲۰۱۹.جو ایل اوچون حربی امکداش‌لیق پلانی ایمضالاندی.
پلان، اؤزبکیستان و بلاروس آراسین‌دا بیرگه حربی مانورون گئچیریلمه‌سینی احتیوا ائدیر.
