بمت قیبریس مسئلهسینین حلی اوچون طرفلره چاغیریش ائتدی
بمت تهلوکهسیزلیک شوراسی قیبریس مسئلهسینین حلی اوچون بوتون طرفلری "سیاسی ایراده اورتایا قویماغا" و "پروسئسه سرعت قازاندیرماغا" چاغیردی.
![بمت قیبریس مسئلهسینین حلی اوچون طرفلره چاغیریش ائتدی](http://cdn.trt.net.tr/images/xlarge/rectangle/482e/23ba/18ec/5a3cddfc3eec4.jpg?time=1719117361)
بمت تهلوکهسیزلیک شوراسی قیبریس مسئلهسینین حلی اوچون بوتون طرفلری "سیاسی ایراده اورتایا قویماغا" و "پروسئسه سرعت قازاندیرماغا" چاغیردی.
قیبریسداکی بمت باریش گوجو میسیونونون (UNFICYP) وظیفه مودتینین داها 6 آی اوزادیلماسینی نظرده توتان قرار لاییحهسی بمت تهلوکهسیزلیک شوراسیندا قبول ائدیلدی.
بمت تهلوکهسیزلیک شوراسینین صدری Olof Skoog ژورنالیستلره وئردیگی آچیقلامادا قراردا همچنین طرفلرین "سیاسی ایراده اورتایا قویماغا" و "پروسئسه سرعت قازاندیرماغا" چاغیریلدیغینی سؤیلهییب.
قئید ائدک کی، بمت-نین ان اوزون مودتلی فعالیت گؤسترن باریش میسیون لاریندان بیری اولان UNFICYP 1964-جو ایلدن بریدیر آدادا وظیفهدهدیر و وظیفه مدتی داها 6 آی اوزادیلیر.
آنجاق امریکا قیبریسداکی باریش گوجو میسیونوندا اصلاحات آپاریلماسینی ایستییر.
ترامپ رهبرلیگی قیبریسداکی باریش گوجو میسیونوندا دا اصلاحات آپاریلماسینی و میسیون داکی باریش گوجو عسگرلرینین سایینین آزالدیلماسینی طلب ائدیر.
امریکانین گؤزدن کئچیردیگی گزینه لردن ایکینجی ایسه قیبریسداکی باریش گوجو میسیونونون وظیفهسینه تامامیله سون قویولماسیدیر.
آنجاق دیپلوماتیک منبعلر، اینگیلتره، فرانسا، روسیا و چین هر ایکی گزینهیه ده مثبت باخمیر.
گونئی قیبریس روم ایجماسی دا UNFICYP -ین عسگر سایینین آزالدیلماسی یاخود باغلانماسی احتیمالیندان ناراحاتلیق دویور، قوزیی قیبریس تورک جمهوریتی ایسه میسیونون فعاللیغینی مهم سویهده ایتیردیگینی بیلدیریر.
بمت-نین ان اوزون مودتلی فعالیت آپاران باریش گوجو میسیون لاریندان بیری اولان UNFICYP -دکی وظیفهلی سایی 1021 نفردیر. بونلاردان 150-سی سیویل، 750-سی عسگری بیرلیک، 52-سی ایسه قرارگاهداکی دیگر وظیفهلیلردیر.