تورک قیزیل‌آیی تورکمنلرله بولوشدو
"بو جغرافیالار بیزیم کؤنول جغرافیامیزدا یئر آلی"
989169
عراقین موصول شهرینده تورکمنلرین یاشادیغی رشیدیه بؤلگه‌سینده، تورک قیزیل‌آیی طرفین‌دن ۶۰۰ نفرلیک ایفطار پروگرامی تشکیل ائدیلدی.
ایفطار پروگرامین‌دا دانیشان تورک قیزیل‌آیی باش مودورو کرم قینیق، بو ایل رمضان آیین‌دا دونیانین ۳۵ فرق‌لی اولکه‌سینده ایفطار و اوباشدان سوفره‌لری قوردوقلارینی، ۱۰ میلیون اینسانا انسانی یاردیم چاتدیرماغا چالیشدیقلارینی سؤیله‌دی.
پروگرام‌دان سونرا ژورنالیستلره دانیشان قینیق، بو بؤلگه‌لرین چوخ عذاب چکدیگینی وورغولایاراق، "بو بؤلگه‌لر دوشمن اولان ایچ و دیش گوجلر طرفین‌دن پارچا پارچا ائدیلیب داغیدیلدی. مینلرجه ایللیک موصول دارماداغین ائدیلدی. بو جغرافیالار بیزیم کؤنول جغرافیامیزدا یئر آلیر. بورادا قوهوملاریمیز، قارداشلاریمیز وار. بورادا یاشایان آجیلارا هئچ بیر زامان دویارسیز قالمادیق" دئدی.
