قوزئی قیبریس تورک جمهوریتی سئچیم سونوجلاری آچیقلاندی
یوکسک سئچیم قورولو باشقانی نارین فردی شفیق، باشکند لفکوشادا قورول عضولری ایله دوزنله‌دیگی مطبوعات کنفرانسین‌دا سئچیم نتیجه‌لرینی اعلان ائتدی
قوزئی قیبریس تورک جمهوریتین‌ده یوکسک سئچیم قورولو بازار گونو ائدیلن ارکن عمومی سئچیمین رسمی نتیجه‌لرینی آچیقلادی.
بونا گؤره، باشباخان حسین اؤزگورگون رهبرلیگین‌ده‌کی اولوسال بیرلیک پارتیسی سسلرین یوزده ۳۵،۵۷سینی آلاراق بیرینجی اولدو، جمهوریتچی تورک پارتیسی و دموکرات پارتی ایسه بؤیوک نسبتده اوی ایتیردی.
یوکسک سئچیم قورولو باشقانی نارین فردی شفیق، باشکند لفکوشادا قورول عضولری ایله دوزنله‌دیگی مطبوعات کنفرانسین‌دا سئچیم نتیجه‌لرینی اعلان ائتدی.
سئچیمنین بیرینجی پارتیسی اولوسال بیرلیک پارتیسینین ۲۱، جمهوریتچی تورک پارتیسینین ۱۲، خالق پارتیسینین ۹، توپلومچو دموکراسی پارتیسینین ۳، دموکرات پارتینین ۳ و یئنیدن دوغوش پارتیسینین ده ۲ ملت وکیلی چیخاردیغینی قید ائد‌ن شفیق، قاما سسلرین یوزده ۱۱ دولایین‌دا و گئچرسیز سسلرین ده یوزده ۱۱،۷ اولدوغونو بیلدیردی.
قوزئی قیبریسده سئچیم‌دن اؤنجه اؤزگورگون رهبرلیگین‌ده‌کی اولوسال بیرلیک پارتیسی ایله سردار دنکتاش رهبرلیگین‌ده‌کی دموکرات پارتی کوالیسیون حکومتی وظیفه‌ده ایدی. ۱۸ ملت وکیلی اولان اولوسال بیرلیک پارتیسی و ۴ میلت وکیلی اولان دموکرات پارتی کوالیسیونونا ۴ مستقیل میلت وکیلی ده دیشاریدان دستک وئریردی. قوزئی قیبریس مجلیسین‌ده مخالیفت‌ده‌کی جمهوریت تورک پارتیسی ۲۰ و توپلومچو دموکراسی پارتیسی ۳ یئره صاحب ایدی. مجلیس‌ده حکومته دستک وئره‌نلردن باشقا بیر مستقیل ملت وکیلی داها واردی.
قوزئی قیبریسین جمهوریت مجلیسی، ۱۳ نوامبر ۲۰۱۷ده سس چوخلوغویلا ارکن عمومی سئچیم قراری آلمیشدی.
