قوزئی قیبریس تورک جمهوریتی صاندیق باشینا گئدهجک
یوزده ۵ سئچیم بندینین تطبیق اولوندوغو اؤلکهده ۱۹۰ مین ۵۵۱ سئچیجی وار
![قوزئی قیبریس تورک جمهوریتی صاندیق باشینا گئدهجک](http://cdn.trt.net.tr/images/xlarge/rectangle/1077/361a/3a0b/5864e958a309b.jpg?time=1718871421)
قوزئی قیبریس تورک جمهوریتی خالقی، جمهوریت مجلسیندهکی ۵۰ میلت وکیلینین بللی اولاجاغی ارکن عمومی سئچیم اوچون ۷ ژانویه بازار گونو صاندیق باشینا گئدهجک.
قوزئی قیبریسدا هفته سونو گئچیریلهجک ارکن پارلمان سئچیمینده ۸ پارتیدن ۴۰۰ ایله ۹ مستقیل نامیزد ۵۰ یئر اوچون یاریشاجاق.
سئچیم نتیجهسینده لئفکوشا ۱۶، غازی ماغوسادان ۱۳، گیرنهدن ۱۰، اسکلهدن ۵، گؤزلیورتدان ۴ و لئفکهدن ۲ میلت وکیلی پارلماندا تمثیل شانسی تاپاجاق.
یوزده ۵ سئچیم بندینین تطبیق اولوندوغو اؤلکهده، ۱۹۰ مین ۵۵۱ سئچیجی وار.
سئچیملرده اولوسال بیرلیک پارتیسی، جمهوریتچی تورک پارتیسی، توپلومچو دموکراسی پارتیسی، دموکرات پارتی، خالقین پارتیسی، توپلومچو قورتولوش پارتیسی-یئنی گوجلر، میلیتچی دموکراسی پارتیسی و یئنی شفق پارتیسی قاتیلاجاق.
اسکی باشباخانلار اؤزکان یورغانچیاوغلو و عمر کالیونجو ایله مجلیس باشقانی سیبل سیبر سئچیمده نامیزد اولمادی.
تورک جمهوریتینی حسین اؤزگورگون باشباخانلیغیندا اولوسال بیرلیک پارتیسی - دموکرات پارتی کوالیسیونو حکومتی ایداره ائدیر.
پارتیلر باشکند لئفکوشا باشدا اولماقلا بؤیوک میتینگلرینی گئچیرهرک سئچیم چالیشماسینی تاماملایاجاق.