بیر قروپ آخیسکا تورکو داها تورکیه‌یه گتیریلدی
شهرده یاشایان آخیسکا تورکو ساییسی تخمینا 2 مین 600 نفره چاتدی
جمهورباشقانی رجب طیب اردوغانین گؤستریشی و باش ناظر بینعلی ییلدیریمین چابالاری ایله اوکراینا‌دان تورکیه‌یه گتیریلن آخیسکا تورک‌لری‌نین سون کروانی‌نین ایکینجی قروپو ارزینجان واردی.
تورک هاوا یول‌لارینا عاید اوچاقلا ارزینجان هاوا لیمانینا گلن 165 آخیسکا‌لی، چیچک‌لرله قارشیلاندی.
دونیا آخیسکا تورک‌لری بیرلیگی باش کاتیبی فواد اوچار، اوکراینانین سیخینتی‌لی بؤلگه‌سینده یاشایان آخیسکا تورکو عائله‌لرین ایکی اوچاق ایله ارزینجانین اوزوملو ائلچه‌سی باییرباغ کندینه آپاریلماسی ایله گلیشلرین سونا چاتدیغینی سؤیله‌دی.
سون کروانلا شهرده یاشایان آخیسکا تورکو ساییسی‌نین تخمینا 2 مین 600 نفره چاتدیغینی ایفاده ائدن اوچار،
"تخمینا 2 ایلدیر داوام ائدن بو کؤچ پروسه‌سی سورونسوز، گؤزل شکیلده نتیجه‌لندی. گؤرولن بوتون ایشلر خالقیمیزا نه قدر اؤنم وئریلدیگینی گؤستردی. تورکیه‌نین گوجونو بو کؤچله گؤردوک. امه‌گی گئچن هر کسه تشکر ائدیریک" دئدی.
آخیسخا تورک‌لری ده، وطن‌لرینه قوووشما‌لاری اوچون پرزیدنت اردوغان و باشباخان ییلدیریما تشکر ائتدیک‌لرینی سؤیله‌دی‌لر.
آخیسخا تورکو عائله‌لر باییرباغ کندینده ائولرینه یئرلشدیریلدی‌لر.
آخیسخا تورک‌لری، 25 دسامبر 2015دن بو یانا اوکراینا‌دان کروان‌لار حالیندا گتیریلمه‌یه باشلاندی و ارزینجانین اوزوملو ائلچه‌سینه یئرلشدیریلدی.
