کرکوک شهرینه یئنی والی تعیین اولوندو
"شهردکی بوتون دؤولت قوروم و قورولوش‌لاری مطلق صورتله ایشلرینی آپارا‌جاق‌لار و اوخوللاردا تحصیل داوام ائده‌جک‌دیر"
عراقین کرکوک شهرینده والی یاردیمچیسی راکان سعید، یئنی والی تعیین اولوندو.
والی‌لیک بیناسیندا گئچیریلن مطبوعات کنفرانسیندا دانیشان یئنی والی سعید،
"کرکوک والی‌لیک وظیفه‌سینه، مرکزی بغداد حکومتی طرفین‌دن تعیین اولوندوم. شهردکی حیاتین یئنیدن نورماللاشماسی اوچون والی اولاراق لازیم اولان وظیفه‌نی اؤز اوزریمه گؤتورورم" دئدی.
کرکوکون گوونلیگی‌نین تامین اولونماسی اوچون وار گوج‌لری ایله چالیشا‌جاق‌لارینی بیل‌دیرن سعید،
"کرکوک تهلوکه‌سیزلیک کمیسیونو باشقان‌لیغینی دا یئریتدیگیمیز بو شهرده گوونلیگی حکومتین دستگی ایله تامین ائدجییک" دئدی.
سعید، حیاتین نورمالا قاییتماسی اوچون لازیم اولان بوتون آددیم‌لارین آتیلاجاغینی وورغولایا‌راق، "شهردکی بوتون دؤولت قوروم و قورولوش‌لاری مطلق صورتله ایشلرینی آپارا‌جاق‌لار و اوخوللاردا تحصیل داوام ائده‌جک‌دیر" دئیه دانیشدی.
یئنی والی سعید، عملیات‌دان چوخ ساییدا عائله‌نین شهری ترک ائتدیگینه دقت چکه‌رک، کرکوکو ترک ائدن بوتون عائله‌لرین قاییدیشی اوچون لازیم تدبیرلری گؤردوگونو ایفاده ائتدی.
عراق مجلسی، گئچمیش والی نجم الدین کریمی 14 سپتامبر جمعه گونو سس چوخلوغویلا وظیفه‌سین‌دن آلمیشدی.
