خوراسان بؤلگهسینده تورک ایزلری
قوزئی خوراسان ایالتینین مرکزی بوجنوردون گئچمیشده "بیزیم یورد" اولان آدی زامان ایچینده دییشیکلییه اوغرادی
![خوراسان بؤلگهسینده تورک ایزلری](http://cdn.trt.net.tr/images/xlarge/rectangle/d598/5d19/0e3f/59c3bb8cb7096.jpg?time=1718905460)
تورکیهنین مشهد باشکونسولو محمد دوغان، ایرانین قوزئی دوغو بؤلگهسینده یئر آلان خوراسانداکی یئر آدلاری ایله تاریخی اثرلرین وارلیغینین، تورکلرین ایللر بویونجا بؤلگهده قالابالیق اولاراق یاشام سوردویونون ثبوتو اولدوغونو سؤیلهدی.
باشکونسول دوغان، آنادولو آژانسینا وئردیگی آچیقلامادا، بوجنورد شهرینین ده ایچینده اولدوغو بؤلگهده اهالینین تخمینا یوزده 40ینین تورکلردن، یوزده 45ینین ده کوردلردن عبارت اولدوغونو بیلدیردی.
دوغان، "بورادا یاشایان کوردلرین بیر چوخو تورکجه دانیشابیلیر و بؤلگهده اولان تنگهیه تورکمن (تورکمن بوغازی)، یئکه سو، دویدوق، گؤز، یامان داغی، حسن بی داغی، ساری گول پارکی، ساری داغ، قارابئل کاروان سارایی و بئش قارداش کیمی بیر چوخ یئر آدی دا تورکلرین ایللر بویونجا بورالاردا یاشادیغینی بلگهلهییر" دئدی.
قوزئی خوراسان ایالتینین مرکزی بوجنوردون گئچمیشده "بیزیم یورد" اولان آدینین زامان ایچینده دییشیکلییه اوغرایاراق اؤنجه "بیز یورد"، سونرا "بیجن یورد" شکلینده دییشدیگینی و سونرا بوگونکو حالینی آلدیغینی قید ائدن دوغان، بؤلگهده یاشایانلارین تورکیهیه قارشی چوخ یاخین بیر ماراغینین اولدوغونو دیله گتیردی.
دوغان، تورکیه ایله بؤلگه خالقی آراسیندا مؤوجود اولان تاریخی باغلیلیق و مدنی یاخینلیق، هر ساحهده ایکیلی ایلیشکیلری گلیشدیرمک اوچون یاخشی ایمکان سوندوغونو قید ائتدی.
آنادولو ارنلری کیمی تانینان و آنادولونون ایسلاملاشماسینا قاتقی وئرن بیر چوخ عاریف و عالیمین خوراسان بؤلگهسیندن آنادولویا کؤچ ائتدیگینی بیلدیرن دوغان،
"من بو بؤلگهنی آتالاریمیزین آنادولویا کؤچمک اوچون توپلانما مرکزی اولاراق ایستیفاده ائتدیکلرینی دوشونورم" دئدی.