کرکوک والیسی وظیفهدن آلیندی
والینین، کورد منشألی مجلیس باشقانینا دؤنهرک، شهردکی تورکمن و عربلره ایشاره ایله، "داها سونرا هامیسینی قوواجاغیق" سؤزلری مطبوعاتا عکس اولونموشدو
![کرکوک والیسی وظیفهدن آلیندی](http://cdn.trt.net.tr/images/xlarge/rectangle/98ad/fbf6/5f16/59ba63a62e64a.jpg?time=1719188489)
عراق مجلسی، کرکوک والیسی نجم الدین کریمی وظیفهدن آلدی.
عراق باشباخانی حیدر العبادینین طلبی ایله پارلماندا گئچیریلن سسوئرمهده، کرکوک والیسی کریمین عزلینه قرار وئریلدی.
بغدادداکی بعضی سیاسی دایرهلر و میلت وکیللری، کریمین عراق کورد بؤلگهسل رهبرلیگینین 25 سپتامبردا گئچیرمهیی پلانلاشدیردیغی رفراندوموا دایر ایشلری و آچیقلامالاری سببی ایله وظیفهدن آلینماسی چاغریسی ائدیردی.
کرکوک والیسی کریم، ویلایت مجلسیندکی کورد عضولری توپلایاراق، شهرین رسمی قوروم و قورولوشلاریندا ا بؤلگهسل رهبرلیگین بایراغینی آسدیرما قراری آلمیشدی.
کریمین اؤنچولویوندکی تک طرفلی قرار بغداد مرکزی رهبرلیگینین تپکیسینی چکمیشدی.
والی، بونون آردیندان بؤلگهسل رهبرلیگین رفراندومونا کرکوک و دیگر دارتیشمالی بؤلگهلرین ده داخیل ائدیلمهسی اوچون مجلیسدن قرار چیخارمیشدی.
والینین سؤزوگئدن رفراندوم اویلاماسی زامانی کورد منشألی مجلیس باشقانینا دؤنهرک، شهردکی تورکمن و عربلره ایشاره ایله، "داها سونرا هامیسینی قوواجاغیق" سؤزلری مطبوعاتا عکس اولونموشدو.
کریم، آیریجا ترور هؤرگوتو پکاکایا باغلی 200 سلاحلی شخصی کرکوکدکی حربی مرکزه یئرلشدیرمکله ده سوچلانیردی.