مصطفی آکینجی، قیبریس تورک خالقینین تورکیهنین ضمانتینی شرط گؤردوگونو سؤیلهدی
پرزیدنت آکینجی، ارجان هاوا لیمانیندا، بو گون باشکند آنکارایا ائدهجک سفر اوّلی آچیقلامالار ائتدی
![مصطفی آکینجی، قیبریس تورک خالقینین تورکیهنین ضمانتینی شرط گؤردوگونو سؤیلهدی](http://cdn.trt.net.tr/images/xlarge/rectangle/6dc6/5e2a/510c/58351b295609a.jpg?time=1719054606)
قوزئی قیبریس تورک جمهوریتی پرزیدنتی مصطفی آکینجی، قیبریس تورک خالقینین بؤیوک اکثریتینین تورکیهنین ضمانتینی شرط گؤردوگونو سؤیلهدی.
پرزیدنت آکینجی، ارجان هاوا لیمانیندا، بو گون باشکند آنکارایا ائدهجک سفر اوّلی آچیقلامالار ائتدی.
سفری چرچیوهسینده خاریجی ایشلر ناظیری مولوت چاووش اوغلو و باش ناظیر بینالی ییلدیریم ایله بیر آرایا گلهجگینی دیله گتیرن آکینجی، صاباح دا ایستانبولدا پرزیدنتی رجب طیب اردوغان ایله گؤروشهجگینی قید ائتدی.
آکینجی، قیبریس پروبلمین حلّینده ایکی جمعیتین دایانیقلیلیغی یانیندا سوئیسده 28 ژوئنده باشلایاجاق قیبریس کونفرانسیندا مذاکیره باشلیقلاریندان " امنیت و ضمانتلر" اؤلچوسونون اله آلیناجاغی 5لی توپلانتیلاردا تورکیه و یونانیستانین دا مثبت گؤستردیکلری زحمته احتیاج اولاجاغینی ایفاده ائدهرک، بو مدتده گؤروش موبادیلهسی ائدیلمهسینین اهمیتینه ایشاره ائتدی.
قیبریس پروبلمینین حلّینه ماراق دویان اؤلکه و تشکیلاتلارین عینیله قیبریس تورک خالقی کیمی آرتیق بیر نتیجه چیخماسینین زامانی گلدیگینه ایناندیغینی وورغولایان آکینجی،
"مذاکیره مدتینه باشیندان اعتباراً دستک وئرن تورکیه جمهوریتی بو اؤلکهلردن بیریدیر. یاخین موشاویره ایچینده یوروتدوغوموز بو پروسسی، جرانس مونتانا اوّلینده سون وضعیتی قیمتلندیرمک اوچون 2 گون تورکیهده قیمتلندیرمه ایمکانیمیز اولاجاق. مذاکیره هیاتیمیز آنکارادا خاریجی ایشلر ناظرلیگی مسئوللاری ایله چوخ وئریملی دانیشیقلار ائتدی. " دئدی.
آکینجی، سیاسی پارتی نمایندهلرینی بیرلشمیش میللتلر باش کاتیبینین قیبریس اؤزل موشاویری اسپن بارت ایدین طرفلره وئردیگی سند حاقیندا معلوماتلاندیردیغینی بیلدیریب.
ایدین طرفلره تقدیم ائتدیگی سندین گؤزلمهلرینین کناریندا اولمادیغینی سؤیلهین آکینجی، سوئیسده 5لی ماسادا یالنیز امنیت ضمانتلر موضوعسو، ایکیطرفلی ماسادا ایسه گئرییه قالان بوتون موضوعلارین بیر-بیریله ایلینتیلی اولاراق اله آلیناجاغینی ایفاده ائتدی.
پرزیدنت آکینجی، قیبریس روم طرفینین و یونانیستانین "صیفیر عسگر، صیفیر ضمانت" ایفادهسینی بیر کنارا بوراخسا، سوئیسده مذاکیره ائده بیلمه ایمکانی دوغولاجاغینی سؤیلهدی.
قیبریس تورک خالقی اوچون یارادیلاجاق اعتماد دویغوسونون دیگر طرف اوچون تهدید قبولو میدانا گتیرممهسی لازیم اولدوغونو وورغولایان آکینجی،
"قیبریس تورک توپلومونون امنیت احتیاجی یوخدور دئمدیکمی. قیبریس تورک خالقینین بؤیوک اکثریتی تورکیهنین ضمانتینی شرط گؤرور." دئیه دانیشدی.
بیرلشمیش میلتلر تشکیلاتی، 9 ژئنده ائتدیگی قرارا ایستینادن، قیبریس مذاکیرهلرینین قوزئی قیبریس تورک جمهوریتی پرزیدنتی آکینجی و روم لیدر آناستاسیادیسین یانیندا قارانتور اؤلکهلر تورکیه، یونانیستان و اینگیلتره ایله موشاهیدچی اولاراق آوروپا بیرلیگینین فاتیلیمی ایله 28 ژوئنده سوئیسده تکرار باشلایاجاغینی بیلدیرمیشدی.
پرزیدنت آکینجینین وظیفهیه گلمهسینین آردیندان بمت باش کاتیبینین قیبریس اؤزل موشاویری ایدین واسیطهچیلیگی می 2015-جی ایلده یئنیدن باشلایان مذاکیرهلر، "ایقتیصاد"، "آوروپا بیرلیگی"، "مولکیت"، " حکومت-گوج پایلاشیمی"، "تورپاق" ایله " امنیت و ضمانتلر " اولماق عذره آلتی اساس باشلیقدان عبارتدیر.