قیبریس-ین ایلک تکنولوژی وادیسی
قوزیی قیبریس تورک جمهوریتینده آدانین ایلک تکنولوژی وادیسینین تملی آتیلدی.
![قیبریس-ین ایلک تکنولوژی وادیسی](http://cdn.trt.net.tr/images/xlarge/rectangle/3b01/507f/10f9/5923de1749fb9.jpg?time=1719125297)
قوزیی قیبریس تورک جمهوریتینین پرزیدنتی مصطفی آکینجی تورک خالقینین قیبریس-دا ابدی موجود اولا بیلمهسی اوچون احتیاجی اولان علم و تکنولوژینی داها دا اینکیشاف ائتدرمک قدرتینده اولدوغونو سؤیلهدی.
قوزیی قیبریس تورک جمهوریتینده آدانین ایلک تکنولوژی وادیسینین تملی آتیلدی.
تملاتما مراسیمینده چیخیش ائدن قوزیی قیبریس تورک جمهوریتینین پرزیدنتی مصطفی آکینجی جمعیت و اؤلکه اولاراق هر کسه چوخ اهمیتلی تحفهسی اولاجاق بیر حادثهنین شاهیدلری اولدوقلارینی بیلدیردی و:"مدنیت و صنعتین سرحدلری اولماز" دئییلیر. علم و تکنولوژینین ده سرحدلری یوخدور. بیز بو نوع لاییحهلرله امبارگولاری (تحریم) آرادان قالدیرا بیلریک. دونیا اؤزو اوچون یارارلی نه وارسا، هارادا اولورسا، اولسون موطلق اونو الده ائدهجکدیر" دئدی.
تکنولوژی وادیسینده اوشاقلارا، گنجلره تحصیلین و علمین فایداسینی گؤستره بیلهجک بیر مدل یارادیلاجاق.
بو مقصدله قوزیی قیبریس تورک جمهوریتینین مجلیسینده تدقیقات، اینکیشاف، وئرگی قانونوندا دییشیکلیکلر، تکنولوژی اینکیشاف بؤلگهلری حاقیندا قانونلار لاییحهسینین ان قیسا موتده تصدیق اولونماسی نظرده توتولور.