تورکیه - اؤزبکیستان دیپلوماتیک ایلیشکی‌لری 25.جی ایلینده
"اؤزبک خالقی‌نین مستقیل‌لیگینی قازانماسییلا، بیز تورک‌لرین آتا یوردوموز اولاراق گؤردوگو بو تورپاق‌لاردا بیر قارداش خالقین بایراغی‌نین یئنیدن یوکسلمه‌سیله بیر تاریخ صحیفه‌سی باغلانمیش، پارلاق و ایشیق‌لی بیر یئنی دؤور آچیلمیش‌دیر"
تورکیه ایله اؤزبکیستان آراسین‌داکی دیپلوماتیک ایلیشکی‌لرین تاسیس ائدیلمه‌سی‌نین 25.جی ایلی، داشکند‌دکی تورکیه ائلچیلیگینده تشکیل ائدیلن مراسمله قوتلاندی.
تورکیه‌نین داشکند ائلچیسی احمد باشار شن طرفین‌دن دوزنلنن مراسمه اؤزبکیستان باشباخانی عبدالله آریپوو و اؤزبک یئتکی‌لی‌لر قاتیلدی.
تورکیه و اؤزبکیستان میلی مارش‌لاری‌نین چالینماسییلا باشلایان مراسمده اؤزبک تورکجه‌سینده دانیشان ائلچی شن، تورکیه‌نین اؤزبکیستانین مستقیل‌لیگینی تانییان ایلک اؤلکه اولدوغونو قید ائتدی.
شن،
"اؤزبک خالقی‌نین مستقیل‌لیگینی قازانماسییلا، بیز تورک‌لرین آتا یوردوموز اولاراق گؤردوگو بو تورپاق‌لاردا بیر قارداش خالقین بایراغی‌نین یئنیدن یوکسلمه‌سیله بیر تاریخ صحیفه‌سی باغلانمیش، پارلاق و ایشیق‌لی بیر یئنی دؤور آچیلمیش‌دیر" دئیه دانیشدی.
اؤزبکیستان باشباخانی عبدالله آریپوو دا، اؤزبکیستان پرزیدنتی شوکت میرضیایئوین آدینا اؤزبکیستان-تورکیه آراسین‌داکی دیپلوماتیک ایلیشکی‌لرین 25.جی ایلینی قوتلادی.
آریپوو، تورکیه‌نین اؤزبکیستانین مستقیل‌لیگینی دسامبر 1991.جی ایلده تانیدیغینی، مارس 1992.جی ایلده ایسه دیپلوماتیک ایلیشکی‌لرین تاسیس ائدیلمه‌سینه دایر پروتوکولون ایمضالاندیغینی خاطیرلاتدی.
آریپوو، آوریل آییندا دا تورکیه‌نین داشکندده ائلچیلیک آچدیغینی سئوینجله آندیق‌لارینی بیلدیره‌رک، گئچن 25 ایل بویونجا 15 دفعه ایکی اؤلکه اوست سویه یؤنه‌تیجی‌لری آراسیندا گؤروشمه‌لرین ائدیلدیگینی وورغولادی.
