ترامپ، روسیانین قیریمدان چیخماسینی گؤزلهییر
"باشقان ترامپ، روسیا حکومتینین اوکراینادا گرگینلیگی آزالتماسینی و قیریمی گئری قایتارماسینی گؤزلهدیگینی دقیق بیر شکیلده ایفاده ائتدی"
![ترامپ، روسیانین قیریمدان چیخماسینی گؤزلهییر](http://cdn.trt.net.tr/images/xlarge/rectangle/d6ab/f90f/c126/58a3ff2c942b2.jpg?time=1718827124)
آمریکا باشقانی دونالد ترامپ، روسیانین قیریمی اوکراینایا گئری وئرمهسینی گؤزلهییر.
آغ ائو سؤزچوسو شان اسپایسر، دونن تشکیل ائتدیگی مطبوعات کنفرانسیندا،
"باشقان ترامپ، روسیا حکومتینین اوکراینادا گرگینلیگی آزالتماسینی و قیریمی گئری قایتارماسینی گؤزلهدیگینی دقیق بیر شکیلده ایفاده ائتدی" دئدی.
داها اول آغ ائو، ترامپ رهبرلیگینین، اوکراینایا عاید قیریم یاریم آداسینی ایشغال ائتمهسیندن اؤترو روسیایا قارشی تطبیق اولونان تحریملرین داوام ائدجیی ایله باغلی توتومونو تایید ائتمیشدی.
3 فوریه تاریخینده تشکیل ائدیلن مطبوعات کنفرانسیندا دانیشان آغ ائو سؤزچوسو شان اسپایسر، آمریکانین بیرلشمیش میلتلر تشکیلاتی نمایندهسی نیکی هیلینین، قیریمین روسیا طرفیندن الحاق ائدیلمهسینه دایر راحاتسیزلیقلارینی دقیق بیر شکیلده بیلدیردیگینی قید ائتمیشدی.
نیکی هیلی، 2 فوریه تاریخینده ایلک دفعه قاتیلدیغی بیرلشمیش میلتلر تشکیلاتینین گوونلیک شوراسی کنفرانسیندا، آمریکانین یئنی رهبرلیگینین روس سالدیریسینا باغلی توتومونو اونایلامیشدی.
هیلی،
"آمریکا، قیریمین روسیا طرفیندن الحاقینی قیناماغا داوام ائدیر و الحاقا درحال سون وئریلمهیه چاغیریر. قیریم اوکراینانین بیر پارچاسیدیر. قیریم ایله ایلگیلی یاپدیریملاریمیز، روسیانین یاریم آدا اوزریندکی کنترلو اوکراینایا گئری وئرنه قدر داوام ائدهجک" شکلینده دانیشمیشدی.