تورک شوراسی‌نین III کووردیناسیون توپلانتیسی
دونن (3 اوکتوبر) آنکارادا تورک شوراسی حمایه‌سینده تورکپا، تورکسوی، تورک آکادمیسی و تورک مدنیت و میراث جمعیتی‌نین اوچونجو کووردیناسیون توپلانتیسی اولدو
تورک شوراسی‌نین III کووردیناسیون توپلانتیسی
اوّلجه تورک شوراسی‌نین فعالیت‌لری حاقیندا باش کاتیبین بؤیوک سفیر رامیل حسنوو دانیشدی.
توپلانتییا قاتیلان میللت وکیلی، آغساققا‌لار شوراسین‌دان اولان مصطفی ایسئن دئییب: "عاقلیمیزا گلمزدی کی، بیر گون بو تورک دولت‌لری موستقیل‌لیک قازانا‌جاق"
تورکپا-نین فعالیت‌لریله باغلی باش کاتیبی ژاندوس آسانوو، تورکسویون ایشلریله باغلی باش کاتیبی دوسن کاسئینوو، تورک آکادمیسی‌نین خیدمت‌لریله باغلی دارخان ک.، تورک مدنیت و میراث جمعیتی ایله باغلی ایسه گونای افندیئوا بیلگی وئردی.
گؤروشمه‌ده 2016-2017-جی ایل اوستانلار آراسی اورتاق فعالیت پلانی‌نین حاضیرلانماسی، تورک شوراسی و بیرلشمیش میللت‌لر مدنیت‌لر اتفاقی طرفین‌دن 20-21 اوکتوبر تاریخ‌لرینده ایستانبولدا کئچیریله‌جک "شدت گتیرن ایفراط ایله موجادیله‌ده گنج‌لر" باش‌لیق‌لی اولوسلار آراسی کونفرانسا حاضیرلیق مذاکیره اولوندو.
قازاخیستان تورکیه‌دکی سفیری زهانسیت تویمئبایئو دئییب: "اوچ مرحله‌ده ایش گؤرولمه‌لی‌دیر: تورک جمهوریت‌لری، مختار جمهوریت‌لر و آیری-آیری اؤلکه‌لرین تورک سوی باشقان‌لری چرچیوه‌سینده."
قیرقیزیستان تئاتریندا قویولان "دده قورقود" تاماشاسی باره‌ده سؤز آچان تورکسویون باش کاتیب یاردیمچی‌سی فیرات پورتاش ایسه تورکسویون گنج‌لره وئریلن اؤنمی داها دا آرتیریلماسی گرکلیگین‌دن بحث ائتدی.
تورکیه‌ده آذربایجان سفیرلیگی‌نین موستشاری رامیل قوربانوو گؤرولن ایشلرین مطبوعاتدا ایشیقلاندیریلماسی مسئله‌سینه توخوندو: بو ایشده ت.ر.ت-نین، او جمله‌دن ت.ر.ت آواز-ین خیدمت‌لرینی خصوصی دگرلندیردی
