قیرقیزیستان پرزیدنتی آلمازبک آتامبایئو وظیفه‌سینه باشلادی
آتامبایئو آیریجا مطبوعات مرکزی واسطه‌سیله یایینلادیغی مساژدا، خسته‌لیگی دؤورونده اونا گؤستردیک‌لری دسته‌یه گؤره قیرقیز خالقینا تشککور ائتدی
قیرقیزیستان پرزیدنتی آلمازبک آتامبایئو، روسیانین باشکندی موسکوادا بیر هفته داوام ائدن ریتم پوزوق‌لوغو معا‌لیجه‌سی‌نین آردین‌دان، وظیفه‌سینه باشلادی.
پرزیدنت مطبوعات مرکزین‌دن ائدیلن آچیقلامادا، آتامبایئو وظیفه‌سی‌نین باشینا دؤندوگو و ساوونما شوراسی‌نین کاتیبی تمیر جوماکادیرووو قبول ائتدیگی ایفاده ائدیلدی.
آچیقلامایا گؤره، میللی امنیت مسئله‌لری‌نین مذاکیره ائدیلدیگی گؤروشمه‌ده جوماکادیروو، مرز امنیتی و اؤلکه‌نین جنوب مرزین‌دکی پروبلم‌لرین میللی چیخارلار ایستیقامتینده، باریش یولو ایله حلّ باغلی ایشلر حاقیندا آتامبایئوه بیلگی وئردی.
آتامبایئو آیریجا مطبوعات مرکزی واسطه‌سیله یایینلادیغی مساژدا، خسته‌لیگی دؤورونده اونا گؤستردیک‌لری دسته‌یه گؤره قیرقیز خالقینا تشککور ائتدی.
پرزیدنتی آتامبایئو، مساژیندا
"معا‌لیجه اولدوغوم گون‌لرده منه و عائلمه دستک اولدونوز. دعا‌لارینیزدا گوج آلدیم و خسته‌لیگی مغلوب ائتدیم. دستگی‌نین اونودولماز. عائله‌م و اؤز آدیما سیزه میننتدارام." ایفاده‌سینی ایستیفاده ائتدی.
20-26 سپتامبردا آمریکا‌نین نیویورک شهرین‌دکی بیرلشمیش میللت‌لر تشکیلاتی‌نین باش قورولو‌نون 71-دؤور گؤروشمه‌لرینه قاتیلماق اوچون ایستانبول آتاتورک هاوالیمانین‌دان اوچاقلارا مینه‌جگی سیرادا خسته‌لنن آتامبایئو، سینه آغریسی شیکایتیله دوکتور‌لار طرفین‌دن موشاهیده آلتینا آلینمیشدی.
دوکتور‌لارین توصیه‌سی اوزرینه نیویورک سفرینی لغو ائدن آتامبایئو، ایزمیرین چشمه محلین‌دکی بیر اوتل‌ده ده بیر مدت استراحت ائتمیشدی.
آتامبایئو، روسیانین دعوتی اوزرینه 23 سپتامبردا موسکوایا گئتمیشدی.
