قیرقیزیستان پرزیدنتی آلمازبک آتامبایئو، ایستانبولدا اوچاغا مینهجگی سیرادا خستهلندی
آکی پرس خبر آژانسینین، پرزیدنت مطبوعات مرکزی صلاحیتلیلرینه سؤیکدیگی خبره گؤره، پرزیدنت آتامبایئو، بیر مدت تورکیهده قالاجاق
![قیرقیزیستان پرزیدنتی آلمازبک آتامبایئو، ایستانبولدا اوچاغا مینهجگی سیرادا خستهلندی](http://cdn.trt.net.tr/images/xlarge/rectangle/e79a/d1ce/82d6/57bbd6992a7b1.jpg?time=1718951425)
قیرقیزیستان پرزیدنتی آلمازبک آتامبایئو، آمریکانین نیویورک شهریندکی بیرلشمیش میللتلر تشکیلاتینین عمومی قورولونون توپلانتیسینا قاتیلماق اوچون ایستانبولدا اوچاغا مینهجگی سیرادا خستهلندی.
آتاتورک هاوالیمانیندا نیویورکا گئتمک اوچون گؤزلیرکن سینه آغریسیندان شیکایتچی اولان آتامبایئوه ایلک موداخیلهنی ائدن دوکتورلار، پرزیدنتینین عاجیل ساغلیق کونترولوندان کئچمهسی لازیم اولدوغو مصلحتینی گؤردو.
خستهخانایا آپاریلان آتامبایئو، اطرافلی بیر معاینهدن کئچهجک و بیر مدت دوکتور نظارتینده اولاجاق.
آکی پرس خبر آژانسینین، پرزیدنت مطبوعات مرکزی صلاحیتلیلرینه سؤیکدیگی خبره گؤره، پرزیدنت آتامبایئو، بیر مدت تورکیهده قالاجاق.
نیویورک سفری لغو ائدیلن آتامبایئو یئرینه، خاریجی ایشلر ناظیری ارلان عبدیلدایئو، بمت عمومی قورولونون 71ینجی ایجلاسینا قاتیلاجاق قیرقیز هیاتینه باشقانلیق ائدهجک.
آتامبایئو، 17 سپتامبردا، موستقیل دولتلر بیرلیگی عضو اؤلکهلرین لیدرلرینین ده قاتیلیمی ایله 60ینجی دوغوم گونونو تبریک ائتمیشدی.