آلمازبک آتامبایف اردوغانا باش ساغلیغی وئردی

قیرقیزیستانین پرزیدنتی آلمازبک آتامبایف 54 اینسانین هلاک اولدوغو غازی آنتپ ترور هوجومو ایله علاقه‌دار تورکیه پرزیدنتی رجب طیب اردوغانا باش ساغلیغی وئردی.

جمهور باشقانلیغی رسمی اینترنت سایتیندا یاییم‌لانان آچیقلامادا آتامبایفین غازی آنتپ‌ده توی مراسیمینده تشکیل ائدیلن خاین ترور هوجومونا گؤره درین‌دن کدرلندیگینی ایفاده ائتدیگی قئید اولونور.

آتامبایف باش ساغلیغی مکتوبوندا قیرقیز خالقی‌نین قارداش تورک خالقی‌نین دردلرینی بؤلوشدوگونو و تورکیه‌نین ترورلا قرارلی موباریزه‌سینی دستکلدیگینی وورغولادی.

قیرقیزیستانین پرزیدنتی هوجومدا یارا‌لانان‌لارا دا شفا‌لار دیله‌دی.

قئید ائدک کی، غازی آنتپ‌ده آوقوستون 20-ده شنبه گونو، آخشام توی مراسیمینده ترور تشکیلاتی داعش‌ین 12-14 یاش‌لارین‌داکی بیر اوشاق‌دان جانلی بومبا کیمی ایستیفاده ائده‌رک تؤرتدیگی ترور حادثه‌سینده اکثریتی اوشاق اولماقلا 54 نفر اؤلدو، چوخ سایدا اینسان دا یارالاندی.