ایلهام علیئو: آذربایجان ایله ارمنیستان آراسینداکی آوریل چاتیشما‌لاری اونلار اوچون بؤیوک تاریخی ظفر
داغلیق قاراباغا هئچ بیر زامان موستقیل‌لیک وئریلمه‌یه‌جک. داغلیق قاراباغین ایستاتوسو سونراکی موضوع. معین مختاریت ایستاتوسو اولا بیلر
آذربایجان جمهوریتی پرزیدنتی ایلهام علیئو، ارمنیستان ایله آرا‌لارین‌داکی آوریل چاتیشما‌لاری‌نین اؤزلری اوچون بؤیوک نیظامی ظفر اولاراق تاریخه کئچدیگینی سؤیله‌دی.
ایلهام علیئو، آذربایجان سلاح‌لی گوجلری‌نین 98. قورولوش ایل دؤنومونده، افسر‌لر اوچون تیکیلن یاشاییش بینا‌لاری‌نین آچیلیشیندا قاتیلیب.
آذربایجان عسگرلری‌نین بؤیوک پروفسیونلّیغا مالیک اولدوغونو وورغولایان علیئو، "باغلانتی خطینده سون آیلاردا یاشانان‌لار بونو بیر داها تصدیق ائتدی. آذربایجان اوردوسو گوجلو اوردولار آراسیندا‌دیر. وطن‌پرورلیک یوکسک سویه‌ده‌دیر. آوریل آییندا یاشانان چاتیشما‌لار بوتون دونیایا آذربایجانلا حسابلاشماق لازیم اولدوغونو اثبات ائتدی" دئدی.
آوریل آییندا ارمنیستانین تخریباتا باشلادیغینی، آذربایجان سنگرلری و سیویل مسکونلاشما واحیدلرینه آتش آچیلدیغینی ایفاده ائدن علیئو،
"آذربایجان اوردوسو بؤیوک قهرمان‌لیق گؤستره‌رک ایشغال آلتین‌داکی تورپاق‌لارین بیر حیسه‌سینی ایشغال‌دان قورتاردی. بو حادثه‌لرین هم ارمنیستانا، هم ده موضوعیلا ماراق‌لانان تشکیلات‌لارا جدی مساژ اولاجاغین‌دان امینم. ارمنیستان بو پروسه‌نی سون‌سوز بیر پروسه اولاراق گؤرمک ایستییر. موجود وضعیتی قوروماق ایستییرلر. اولوسلار آراسی واسیطه‌چی‌لرین باسقی‌لاری آرتدیقدا دا مختلیف تخریبات‌لار ائدیرلر. " دئدی.
آپریل حادثه‌لرین‌دن سونرا ارمنیستان رهبرلیگینین مذاکیره‌لرین داوام ائتدیریلمه‌سی اوچون بیر نئچه شرط ایره‌لی سوردوگونو بیل‌دیرن علیئو،
"بو شرط‌لرین هئچ بیری قبول ائدیلمه‌دی. چونکی کیمسه بیزه شرط قوشاماز. ارمنیستان طرفی مذاکیره‌لرین دایاندیریلماسی و دوندورولماسی وضعیتینده اونلاری نلرین گؤزلدیگینی چوخ یاخشی بیلیر." دئدی.
پروبلمین آذربایجانین اراضی بوتؤو‌لوگو چرچیوه‌سینده حل ائدیلمه‌سی لازیم اولدوغونو وورغولایان علیئو.
داغلیق قاراباغا هئچ بیر زامان موستقیل‌لیک وئریلمه‌یه‌جک. داغلیق قاراباغین ایستاتوسو سونراکی موضوع. معین مختاریت ایستاتوسو اولا بیلر. لاکین بو ایستاتو اؤلکه‌میزین اراضی بوتؤو‌لوگونو پوزمامالیدیر. "دئدی.
