آذربایجان پرزیدنتی ایلهام علیئو، اوروپادا یاشانان سیغینماچی بحرانینی تنقید ائتدی
ارمنیستان-آذربایجان موناقیشهسی و داغلیق قاراباغ پروبلمینه ده توخونان علیئو، پروبلمین ارمنیستانین دشمنچیلیق موقعیتی سببیله هله چؤزولمدیغینی ایفاده ائتدی
آذربایجان پرزیدنتی ایلهام علیئو، اوروپادا یاشانان سیغینماچی بحرانینی تنقید ائتدی.
علیئو؛
"اؤلکهسینده یاشانان چاتیشمالار سببیله عائلهسینی قوروماق اوچون کؤچ ائدن اینسانلارین قارشیسینی کسه بیلمز" دئدی.
پرزیدنت علیئو، 4. قلوبال باکی فورومونون آچیلیشیندا ائتدیگی دانیشمادا، دونیاداکی چاتیشمالارین سون ایللرده دینمدیغینی، تام عکسینه آرتدیغینی، بو سببله حکومتلرین، سیاستچیلرین و قناعت اؤندرلرینین گرگینلیکلرین آزالدیلماسی اوچون اللریندن گلنی ائتمهسی لازیم اولدوغونو وورغولادی.
عکس تقدیرده گلهجکده وضعیتین داها دا پیسلشهجگی خبردارلیغینی اولان علیئو، امکداشلیق، آنلاشما، باریش و ثابیتلیگین تامین ائدیلمهسی اوچون هر کسین همرایلیک ایچریسینده اولماسینین اهمیتینه ایشاره ائتدی.
ارمنیستان-آذربایجان موناقیشهسی و داغلیق قاراباغ پروبلمینه ده توخونان علیئو، پروبلمین ارمنیستانین دشمنچیلیق موقعیتی سببیله هله چؤزولمدیغینی ایفاده ائتدی.
گورجوستان و تورکیه ایله اورتاق رئاللاشدیردیقلاری باکی-تفلیس-قارص دمیریولونون (BTK) آسیادان اوروپایا ان قیسا و ان راحت دمیریولو خطی اولاجاغینی دیله گتیرن ایلهام علیئو، بو خطین اؤلکهنین و بؤلگهنین ژئوسیاسی موقعیتینین اهمیتینی آرتیراجاغینی قید ائتدی.
