دوکتور محمدحسین مبین توپراغا وئریلدی
جوذامیلر حاقّیندا عؤمور بویو چالیشدیغی اوچون ائل آراسیندا جوذامیلرین آتاسی اولاراق آدلانیردی
ایران و گونئی آذربایجان طیب و ادبیاتین دییشیک ساحهلرینده تانینمیش نمایندهلریندن بیری اولان پروفسور دوکتور سید محمد مبین دونیاسینی دییشیب.
1927- جی ایلده تبریزده آنادان اولان سید محمد ایلک، اورتا و آلی تحصیلینی دوغولدوغو شهرده آلیب. 28 یاشیندا ایکن تبریز طیب اونیورسیتهسینی بیتیرن مبین 1962-جی ایلدن باشلایاراق اولوسلار آراسی ساغلیق تشکیلاتینین مالیهسی ایله ایسپانیا، پورتغال، نیجریه و مالی دولتلرینده طب تحصیلینی تکمیللشدیریب.
وطنه دؤندوکدن سونرا تبریز یاخینلیغینداکی باباباغی منطقهسینین چؤللو-بیابانیندا 1933-جو ایلده یارادیلمیش جوذام خستهخاناسیندا دوکتور اولان خانیمی ایله بیرلیکده چیگین-چیگینه چالیشیب.
دوکتور محمدحسین مبین آذربایجانین ایجتیماعی شخصیتی و بؤیوک حکیم و شاعیری شیمشک تخللصی ایله تانینیردی.
جوذامیلر حاقّیندا عؤمور بویو چالیشدیغی اوچون ائل آراسیندا جذامیلرین آتاسی اولاراق آدلانیردی.
گلن خبرلره گؤره 88 یاشیندا اولان دوکتور محمدحسین مبین مهر آیینین آلتیسی دوشنبه گونو (دونن 28.09.2015) تبریز شهرینده حیاتا گؤز یومموش و بو گون (سهشنبه) دوغدوغو شهرده تورپاغا تاپشیریلیب.
او شعرلرده " شیمشک" تخللصینی ایستیفاده ائدیردی و ادبیاتین بیر چوخ ساحهسینده اثرلری واردیر. بونلاردان بیر بؤلومو بئلهدیر:
'به یاد شهریار' (سوگواره و سوگ نامه ها )، 'سخنان عارفانه و نصایح حکیمانه نظامی گنجوی'، ' شیطان در شعر شهریار (گامی در راستای شهریار شناسی)'، 'غنچه های خونین' (قانلی چیچکلر)، 'عاشیقلار (مقدمه ای بر کتاب آذربایجان عاشیقلاری)'، 'قاپیمیز آچیلیرگونشه ساری' (مقدمه ای بر کتاب شعر ذوالفقار کمالی)' تبریز گنجه نهفته در بستر تاریخ'، 'حماسه خونین انقلاب اسلامی'.