یونانیستانداکی سئچیمده 17 تورک نامیزد
رودوپ و ایسکهچه ائللرینده سیریزا، پوتامی، لاییکی انوتیتا و آنتارسیا پارتیلرینین 5 نفرلیک نامیزد لیستهلرینده تورک نامیزدلر بیرینجی سیرادا یئر آلیر
یونانیستاندا 20 سپتامبردا ائدیلهجک ارکن سئچیمه باتی تراکیا تورک آزینلیغیندان 17 نامیزد قاتیلاجاق.
رودوپ و ایسکهچه ائللرینده سیریزا، پوتامی، لاییکی انوتیتا و آنتارسیا پارتیلرینین 5 نفرلیک نامیزد لیستهلرینده تورک نامیزدلر بیرینجی سیرادا یئر آلیر.
یئنی سئچیم قانونونا گؤره لیسته اوصولو ایله گئچیریلهجک سئچیملرده، رودوپ ائلینده سیریزادان اسکی میلت وکیلی مصطفی مصطفی، پوتامیدن وکیل ایلحان احمد، لاییکی انوتیتادان مصطفی چولاق، ایسکهچهده ایسه سیریزادان حسین زیبک و آنتارسیادان جمالی مولازیم لیستهلرده بیرینجی سیرادان نامیزد گؤستریلدی. اؤنجهکی سئچیملرده میلت وکیلی سئچیلن آیحان قارایوسف ایسه سیریزانین رودوپ ائلی نامیزد لیستهسینده ایکینجی سیرادا یئر آلدی.
اؤلکهنین ایکینجی بؤیوک پارتیاسی یئنی دئموکراتیا پارتیاسینین (ند) رودوپ و ایسکهچه ائللریندکی تورک میلت وکیلی نامیزدلری مصطفی قطرانچی و بیراول عاکیفاوغلو ایسه نامیزد لیستهلرینده ایکینجی آد اولاراق یئر آلیرکن، باشقا کیچیک پارتیلرین هر ایکی ائلدکی تورک نامیزدلری ده آلت سیرالاری پایلاشدی.
تورک جمعیتینین آزالدیغی مئریچ (ائوروس) بؤلگهسینده ایسه تورک میلت وکیلی نامیزدی یوخدور.
یونانیستاندا 25 ژانویهده ائدیلن ارکن سئچیملرده، باتی تراکیا مسلمان تورک آزینلیغی، رودوپ ائلیندن مصطفی مصطفی و آیحان قارایوسفو، ایسکهچهده ده حسین زیبکین میلت وکیلی اولاراق پارلمانا گؤندرمیشدی.