قزاقیستان‌دا ساواشچی قادین مزاری تاپیلدی
قازاقیستان‌ین گونئیینده، بیر خنجر و بؤیوک بیر قیلینجلا باسدیریلمیش بیر قادینین مزاری تاپیلدی
قازاقیستان‌ین گونئیینده میلاددان اؤنجه 11.جی یوز ایل ایله میلاددان سونرا 4.جو یوز ایل آراسیندا یاشامیش، بیر خنجر و بؤیوک بیر قیلینجلا باسدیریلمیش بیر قادینین مزاری تاپیلدی. یاخشی قورونموش ایسکلتین باش سومویونون بؤیوک‌لوگو و شکلینه باخیلا‌راق بیر قادین اولدوغو دوشونولور.
داها اؤنجه بو بؤلگه‌ده قادین ساواشچیلارین وارلیغینا دایر بیر دلیل تاپیلمامیشدی.
اوزمانلار قادینین، بیر تورک بویو اولان آنتیک کانگوی دؤولتینده یاشامیش اهمیت‌لی بیر شخصیت اولدوغونو دوشونور. قادینین معاصر قازاقیستان سرحدلری ایچینده قالان بؤلگه‌لرده، بیر کؤچری بیرلییه لیدئرلیک ائتدیگی دوشونولور.
آراشدیرماچی‌لار قادینین یانیندا آیریجا بیر نئچه اوخ، ساغ الینه یاخین بیر یئره قویولموش کیچیک بیر خنجر و سول الینه یئرلشدیریلمیش بیر قیلینج تاپدی. بو تاپینتی‌لارین، قادینین مشهور بیر ساواشچی اولدوغونا ایشاره ائتدیگی دوشونولور.
آراشدیرماچی‌لارا گؤره، یانیندا مزار هدیه‌سی اولاراق تاپیلان قاب قاجاغین قادینین زنگین اولدوغونو گؤستریر.
آراشدیرماچی‌لار بؤلگه‌دکی آراشدیرما‌لارین 23 ایلدیر داوام ائتدیگینی سؤیله‌دی.
ایسکلتله بیرلیکده تایپلان هدیه‌لر یاخین بیر زاماندا قازاقیستان میلی موزه‌سین‌ده سرگیلنمه‌یه باشلایا‌جاق.
