آذربایجان - ایران سرحدینده آتیشما
حادثه یئرینه باخیش زامانی 4 کیلوگرام 425 گرام تریاک کشف ائدیلدی
318147
بیر قروپ شخصین آذربایجانین دؤولت سرحدینی قانون‌سوز اولاراق گئچمه‌سی‌نین قارشی‌سی آلیندی.
بیزیم یول.اینفونون خبرینه گؤره، بو باره‌ده آذربایجان ایج ایشلری باخانلیغی‌نین رسمی سایتی بیلگی یایینلادی.
اویوشدوروجو ایله مباریزه باش ایداره‌سی‌نین گونئی بؤلگه‌سی‌نین بؤلگه‌سل شعبه‌سی و دؤولت سرحد خیدمتی‌نین گؤی‌تپه سرحد دسته‌سی‌نین امکداش‌لاری طرفین‌دن جلیل آباد ائلچه‌سی اراضی‌سینده گئچیریلمیش عملیات آختارما تدبیرلری ایله ایران ایسلام جمهوریتین‌دن آذربایجان جمهوریتی‌نین دؤولت سرحدینی قانون‌سوز اولاراق گئچمه‌یه جهد گؤسترن بیر قروپ شخصین قارشی‌سی آلینیب، اونلار سلاح‌لی مقاومت گؤستره‌رک گئری چئکیلدی‌لر.
حادثه یئرینه باخیش زامانی 4 کیلوگرام 425 گرام تریاک کشف ائدیلدی.
