قیرقیزیستان، آمریکا ایله امکداش‌لیق آنلاشماسینی فسخ ائتدی
بیشکئک، تخمینا 20 ایلدیر قوه‌ده اولان امکداش‌لیق آنلاشماسینی تک طرف‌لی فسخ ائتدی
قیرقیزیستان ایله آمریکا آراسیندا یاشانان اؤدول بحرانی درینله‌شیر.
بیشکئک، تخمینا 20 ایلدیر قوه‌ده اولان امکداش‌لیق آنلاشماسینی تک طرف‌لی فسخ ائتدی.
قیرقیزیستان باشباخانی تمیر ساری‌یئو، واشنگتن حکومتی ایله 1993.جی ایلده ایمضا‌لانان آنلاشمانین فسخی قرارینی ایمضالادی.
آنلاشما 20 آگوست اعتباریله قوه‌دن قالخا‌جاق.
فسخ قراری‌نین آرخاسیندا قیرقیزیستاندا عؤمور بویو حبس جزاسینا محکوم عظیم جان عسگرووا آمریکا دیش ایشلرینین 2015.جی ایلین اینسان حاق‌لاری ساوونوجوسو اؤدولو وئرمه‌سی‌نین ائتکیلی اولدوغو ایفاده ائدیلیر.
آنلاشمانین فسخینه واشینگتونون تپکیسی گئجیکمه‌دی.
آمریکالی یئتکی‌لی‌لر گلیشمه‌لر سببی ایله خیال قیریق‌لیغی یاشادیق‌لارینی و اؤلکه‌لر آراسیندا داوام ائدن بیر دیزی پروگرامین ضزرر گؤره‌بیله‌جیینی آچیقلادی.
واشینگتونا آیریجالیق تانییان آنلاشمانین لغو ائدیلمه‌سی قیرقیزیستانین اوزونون روسیایا دؤندوگو یوروملارینا سبب اولدو.
آوراسیا اقتصاد بیرلیگی ایله ایلگیلی موقاویله‌لری ایمضالایان بیشکئک‌ین اؤنوموزدکی دؤنمده روسیا، بئلاروس، قازاقیستان و ارمنیستانین یئر آلدیغی بیرلییه داخیل اولماسی گؤزلنیلیر.
