بولقاریستاندا 3 تورکه دؤولت نیشانی
حکومتین تکلیفی اوزرینه، مصطفی عمر، یوسف بابک‌اوغلو و علی اورمانلی‌یا دؤولت نیشانی وئریلدی
بولقاریستان پرزیدنتی روسن پلئونئلی‌یئو، اؤلکه‌ده 1989.جی ایلده ییخیلان کمونیزم رژیمینه قارشی دیرنیشین لیدئرلیگینی ائدن 3 تورکه "شرف‌لی وطنداش‌لیق وظیفه‌سی" دؤولت نشانی وئردی.
پرزیدنت ساراییندا تشکیل ائدیلن مراسیمده، حکومتین تکلیفی اوزرینه، مصطفی عمر، یوسف بابک‌اوغلو و علی اورمانلی‌یا وئریلن نیشان‌لار، قاتیلیمچی‌لارا، 45 ایل داوام ائدن کمونیزم دیکتاتورلوغونون قورخونجلوقلارینی بیر دفعه داها حوزنله خاطرلاتدی.
پلئونئلی‌یئو، دیکتاتورلوغون 10 نوامبر 1989 تاریخین‌دکی چؤکوشونون، 26 ایل اؤنجه تورک و مسلمان‌لارین مقاومتی ایله باشلایان، "می حادثه‌لری حرکتی" ایله باشلادیغینی ایفاده ائتدی.
پلئونئلی‌یئو، اسکی رژیمین زورلا آدلارینی دییشدیرمه‌یه، دین‌لرینی یاساقلامایا چالیشدیغی بیر دؤورده مستقیل اینسان حاق‌لاری قوروما درنه‌گی و دموکراتیک اینسان حاق‌لاری لیگی کیمی، تورک‌لرین قوردوغو هؤرگوتلرین، جسور بیر مباریزه وئردیک‌لری‌نی وورغولادی.
هئچ بیر توتالیتار ایداره‌نین خالقین روح و ایراده‌سین‌دن داها گوج‌لو اولمادیغینی ایفاده ائدن پلئونئلی‌یئو؛
"دموکراسیمیز وارلیغینی، بو گون سایقی ایله اؤدوللندیردیگیمیز بو شخص‌لرین توتالیتار اذیت مکانیزم‌لرینه قارشی مباریزه‌سینه بورج‌لودور. می اولایلارینا قاتیلان او 30 مین نفرلیک حرکت، اؤلکه‌میزه دموکراسینین گلمه‌سینی تامین ائتدی" دئدی.
