تورکیه، لهستانداکی تاتارلاری یالنیز بوراخمیر
تیکا، لهستانداکی تاتارلارین مدنی، اجتماعی و دینی هویتلرینین قورونماسی و گوجلندیریلمهسی اوچون اهمیتلی پروژهلره ایمضا آتدی
تورکیه، لهستانداکی تاتارلاری یالنیز بوراخمیر
تورک امکداشلیق و کووردیناسیون آژانسی باشقانلیغی تیکا، لهستانداکی تاتارلارین مدنی، اجتماعی و دینی هویتلرینین قورونماسی و گوجلندیریلمهسی اوچون اهمیتلی پروژهلره ایمضا آتدی.
ایلک مسکونلاشمانین 16-جی عصرده اولدوغو دوشونولن بوهونیکی آدلی تاتار کندینده اولان تاختا مسجیدین چئوره دوزنلمهسی و گرکلی وسایل و ایشلر تیکا طرفیندن ائدیلدی.
3 دینین نمایندهلرینی بیر آرایا گتیرن تاریخی مسجیدده تشکیل ائدیلن آچیلیش مراسیمینده، دونیادا عدالت و باریش اوچون دعا ائدیلدی.
تورکیهنین ورشو سفیری یوسوف ضیا اؤزجان، ایسلامین باریش و امین-آمانلیق دئمک اولدوغونو سؤیلهدی و تیکا-نین ایشلری اوچون تشککور ائتدی.
لهستان موفتیسی توماس میسکیویچ ده، لهستاندا تاتار هویتینین قورونماسی نقطهسینده تورکیهنین دستگینین اهمیتینه وورغو ائتدی.
تیکا-نین لهستانداکی دیگر پروژهلری ایسه، تاتار مدنیت مرکزینین آچیلیشی و باشکند ورشو-دا اولان مسلمان قبیریستانلیغینین اصلاح ایشلری اولدو.