تورکجه آوروپادا رسمی چالیشما دیلی اولدو
تورک پارلامنترلر، باش قورولداکی دانیشیقلارینی تورکجه گرچکلشدیرهبیلهجک
آوروپا شوراسی پارلامنترلر مجلیسی، تورکجهنی رسمی چالیشما دیلی اولاراق قبول ائدن و تورکیهنین عضو ساییسینی 12دن 18 نفره چیخارماغی اؤن گؤرن یاسانی اونایلادی.
شورانین دایمی کمیسیونو، بوسنی هرزگووینین باشکندی سارایوودا تورکیه ایله ایلگیلی ایکی اؤنملی قرار آلدی.
کمیسیون، سسوئرمهده تورکیهنین عضو ساییسینین 12دن 18 نفره چیخماسینی قبول ائتدی.
بئلهجه تورکیه آوروپا شوراسی پارلامنترلر مجلیسینده اینگیلتره، فرانسا، آلمانیا، ایتالیا و روسیا کیمی 18 پارلامنترله تمثیل ائدیلهجک.
بو قرارین آلینماسیندا تورکیهنین آوروپانین ان قالابالیق اوچونجو اؤلکهسی اولماسی ائتکیلی اولدو.
دایمی کمیسیون آیریجا ایتالیانجا، روسجا و آلمانجادا سونرا تورکجهنی ده رسمی چالیشما دیلی اولاراق قبول ائتدی.
تورکجهنین چالیشما دیلی اولماسییلا باش قورولداکی اوتوروملار تورکجهیه چئوریلهجک، اوتوروم پروتوکوللاری تورکجه ده یایینلاناجاق.
آیریجا تورک پارلامنترلر، باش قورولداکی دانیشیقلارینی تورکجه گرچکلشدیرهبیلهجک.
تورک پارلامنترلر ساییسینین آرتماسییلا دا آوروپا شوراسی پارلامنترلر مجلیسینده تورک هیاتینین دایمی بیر باشقان کؤمکچیسی ده اولاجاق.
آوروپا شوراسی پارلامنترلر مجلیسینین 47 اؤلکهدن 318 عضوو وار.
تورکیه آوروپا شوراسینا 1949.جو ایلدن بو یانا عضودور.