تورک کنه‌شی بیرلشمیش ملتلرده
تورکیه، آذربایجان، قازاقیستان و قیرغیزیستانین عضو اولدوغو تورک کنه‌شی‌نین گلیشیمی، هدف‌لری و گؤرونتوسونو قونو آلان تانیتیم فیلمی یایینلاندی
تورک اؤلکه‌لری امکداش‌لیق شوراسی‌نین (تورک کنه‌شی) اولوسلارآراسی توپلوما تانیتیمی مقصدیله بیرلشمیش میلت‌لر تشکیلاتی‌نین باش مرکزینده رسپسیون تشکیل ائدیلدی.
شورانین دؤنم باشقانی اولان تورکیه‌نین بیرلشمیش ملتلر گؤره‌ولی‌لرینین تشکیل ائتدیگی دعوته، بیر چوخ اؤلکه‌نین بیرلشمیش ملتلر دایمی نماینده‌لیک‌لریندن دیپلومات‌لارین یانیندا، شورایا عضو اولمایان تورکمنیستان و اؤزبکیستانین دایمی نماینده‌لری ده قاتیلدی.
ائتکینلیکده 2009.جو ایلده قورولان و تورکیه، آذربایجان، قازاقیستان و قیرغیزیستانین عضو اولدوغو تورک کنه‌شی‌نین گلیشیمی، هدف‌لری و گؤرونتوسونو قونو آلان تانیتیم فیلمی یایینلاندی.
تورک کنه‌شی باش کاتیبی رامیل حسنوو، آوروپا‌دان چینه اوزانان بیر کؤرپو اولان تورک دونیاسی‌نین، انرژی و تیجارت ساحه‌سینده ایستراتژیک پروژه‌لری اولدوغونو و شورانین اؤنمی‌نین گئتدیکجه آرتدیغینی ایفاده ائتدی.
حسنوو،
"گله‌جکده پتانسیل عضو تورکمنیستانی دا گؤرسک، طبیعی گاز، نفت و سو رزرو‌لرینی، بون‌لارین آوروپایا داشینماسینی و آوروپا‌دان بورایا گتیریلمه‌سینی دوشونسک، تورک کنه‌شی‌نین نه قدر اؤنم‌لی اولدوغونو گؤرموش اولاریق" دئیه دانیشدی.
تورکیه‌نین بیرلشمیش ملتلرده‌کی دایمی نماینده‌سی خالید چئویک ایسه تورک کنه‌شی‌نین قورولدوغو گون‌دن اعتباراً اقتصادی، سیاسی و مدنی ساحه‌لرده سومود آددیم‌لار آتا‌راق گلیشدیگینی وورغولادی.
چئویک، تورک کنه‌شی‌نین "تورکجه دانیشان اؤلکه‌لر آراسین‌داکی مدنیت و اولکو بیرلیگی‌نین، یارادیلمیش مکانیزم‌لر آراچیلیغیلا داها دا گوجلنمه‌سینی تامین ائده‌جک بیر یاپیلانما" اولدوغونو ایفاده ائتدی.
