قیرقیزیستان کوالیسیون حکومتی آند ایچدی
مجلیسدکی 120 میللت وکیلینین 97سینین اعتماد راینی آلان کابینه عضولری، پرزیدنت آلمازبئک آتامبایئو ده حاضیر اولدوغو مجلیس عمومی قورولوندا آند ایچدی
قیرقیزیستان کوالیسیون حکومتی آند ایچدی
قیرقیزیستاندا تمیر سارییئو باش ناظیرلیگیندکی کوالیسیون حکومتی، آند ایچهرک وظیفهیه باشلادی.
مجلیسدکی 120 میللت وکیلینین 97سینین اعتماد راینی آلان کابینه عضولری، پرزیدنت آلمازبئک آتامبایئو ده حاضیر اولدوغو مجلیس عمومی قورولوندا آند ایچدی.
باش ناظیر سارییئو ایله باش ناظیر کؤمکچیلری و ناظیرلرین یانیندا پرزیدنتی طرفیندن بللی اولونموش میللی گوونلیک دولت کومیتهسینین صدری بوسورمانکول تابالدیئو ده آند ایچهرک وظیفهیه باشلادی.
سارییئو، سوسیال دموکرات پارتیسی، سوسیالیست آتا مکن و آر ناموس پارتیسیندان عبارت حکومتین قورولوشوندا و پروقرامیندا بیر دییشیکلیک ائتمهدی.
قیرقیزیستاندا 4 آوریل 2014-جو ایلده وظیفهیه باشلایان کوالیسیون حکومتینین باشقانلیق ائدن جومارت اوتوربایئو، مجلیسین "اقتصادی پروبلملری و کانادالیلار ایشلتدیگی کومتور قیزیل مدنینین ایشلنمهسی ایله علاقهدار پروبلملری گیدرمدیغی" تنقیدلری اوزرینه 23 آوریلده ایستعفا ائتمیشدی.
پرزیدنت آلمازبئک آتامبایئو اوتوربایئوین ایستعفاسینی قبول ائتمسیله، قیرقیزیستاندا 2010-داکی خالق اینقیلابینین آردیندان 3. دفعه کوالیسیون حکومتی دوشموش، پارلامنت، باش ناظیرلیگه، 30 آوریلده، اسکی ناظیر ساریئوی سئچمیشدی.