تورکیه فیلملری هفتهسی
داشکندده 11.جیسی تشکیل ائدیلن تورکیه فیلملری هفتهسی باشلادی
اؤزبکیستانین باشکندی داشکندده 11.جیسی تشکیل ائدیلن تورکیه فیلملری هفتهسی، تورکیه سینماسینین باش اثرلریندن "سلوی بویلوم آل یازمالیم" فیلمینین گؤستریمی ایله باشلادی.
هفتهنین آچیلیشیندا دانیشان تورکیهنین داشکند ائلچیسی نامیق گونار ارپول؛
"تورکیه ائلچیلیگی اولاراق مقصدیمیز اؤزبکستان و تورکیه خالقلاری آراسینداکی بو مدنی باغلاری گوجلندیرمک. بونلاری آرزو ائدیلن سویهیه چیخارماق. بو آماجلا 2005.جی ایلدن بو یانا داشکندده تورک فیلملری هفتهلری دوزنلهمهکدهییک. اورتاق مدنیتی پایلاشدیغیمیز اوچون هفته بویونجا ایزلهیهجگینیز بئش فیلمده اؤزبک حیاتیندان بیر چوخ عنصورو بو فیلملرده تاپاجاقسینیز" دئدی.
فیلم هفتهسینده، ایلکار باشاریر یؤنهتمنلیگینده 2009.جو ایلده چئکیلن باشقا دیلده عشق، یؤنهتمنلیگی و باش رولونو ییلماز اردوغانین اوستلندیگی شن حیات، 2005 یاپیمی یوکسل آکسونون دوندورمام قایماق و یئنه یؤنهتمنلیگینی ییلماز اردوغانین اوستلندیگی 2005 یاپیمی اورگانیزه ایشلر فیلملری گؤستریلهجک.