شمالی قیبریس تورک جمهوریتی مشترک مانور قرارینا اعتراض ائتدی
درویش ار اوغلو، یونانیستانداکی یئنی حکومتین ایسرائیل، میصیر و گونئی قیبریس ایله مشترک مانور ائتمه قرارینا اعتراض گؤستردی
شمالی قیبریس تورک جمهوریتینین پرزیدنتی درویش ار اوغلو، یونانیستانداکی یئنی حکومتین ایسرائیل، میصیر و گونئی قیبریس ایله مشترک مانور ائتمه قرارینا اعتراض گؤستردی.
درویش ار اوغلو، یونانیستان ساوونما ناظیری پانوس کامنوس-ون گونئی قیبریسه سفرینده ائتدیگی "آغدنیزینده یونانیستان، ایسرائیل، میصیر و گونئی قیبریسین گلهجک آیلاردا اورتاق مانور ائدهجگی" ایستیقامتیندکی آچیقلاما ایله باغلی اولاراق؛
"دئمک کی بیر آز بورالاری قاریشدیرمانی پلانلاییرلار. تورک سلاحلی قوجلری بورالاردا اولدوغو مدتجه هرهانسی بیر قاریشیقلیق اولماز، ناراحاتلیق اولماز. اما آغدنیزینین سولارینی نه قدر آز قیزدیریرساک بؤلگه او قدر دینجلیک ایچینده اولور" دئیه دانیشدی.
یونان ساوونما ناظیرینین تورک دوشمنی اولاراق بیلیندیگینی ده ایفاده ائدن ار اوغلو، ' گونئی قیبریسه روحیه وئرمک اوچون بیر حرکت اولدو. داها اوّل یونانیستان، ایسرائیل اونسوز دا مانورلار ائتمیشدیلر. یئنی گلن ساوونما ناظیرینین همن بونو اؤن پلانا چیخارماسیندا بیر پیس نیّت وار دئیه دوشونورم. "دئدی.