بیر آذربایجان عسگری شهید اولدو
بیر تورک عسگری، ارمنی‌لرین آتیشی نتیجه‌سینده آغیر یارالاندی، قالدیریلدیغی خسته‌خانادا شهید اولدو
212832
آذربایجان-ارمنستان جبهه خطینده ارمنی عسگرلرین ائتدیگی آتیش نتیجه‌سینده آذربایجان اوردوسون‌دان بیر عسگر شهید اولدو.
آذربایجان ساوونما باخانلیغین‌دان وئریلن آچیقلامادا، دونن آخشام ساعات‌لاریندا جبهه خطینده چیخان چاتیشمادا بیر عسگرین، ارمنی‌لرین آتیشی نتیجه‌سینده آغیر یارالاندیغی، قالدیریلدیغی خسته‌خانادا شهید اولدوغو بیلدیریلدی.
باخانلیغین بیر باشقا آچیقلاماسینا گؤره، ارمنیستان اوردوسو دونن گئجه جبهه خطی‌نین چئشیدلی بؤلگه‌لرینده آغیر سلاح‌لار و توپ‌لارلا 86 دفعه آتیشکسی پوزدو.
آذربایجان مطبوعاتی دا جبهه خطینه یاخین بؤلگه‌دکی توووز ائلی‌نین علی‌بی‌لی کندی‌نین دؤرد ساعات بویونجا ارمنیستان عسگرلری‌نین آتیشی آلتیندا قالدیغینی یازدی.
