آذربایجان، ایکی ایران جاسوسونو توتوقلادی
ایران اؤزل خیدمت اورگان‌لارینا ایشلمکله سوچلانان لنکران ساکین‌لری فایق قوربانوو و سئیمور رضا‌زاده‌نین محاکمه‌سی گئچیریلدی
باکی آغیر جینایت‌لر محکمه‌سینده، ایران اؤزل خیدمت اورگان‌لارینا ایشلمکله سوچلانان لنکران ساکین‌لری فایق قوربانوو و سئیمور رضا‌زاده‌نین محاکمه‌سی گئچیریلدی.
آذربایجان سایتلاریندا یئر آلان بیلگیلره گؤره، ساوجی اتهامی اوخودوقدان سونرا آدی گئچن شخص‌لر سوچلو اولدوقلارینی اعتراف ائتدیلر.
فایق قوربانوو و سئیمور رضا‌زاده ایرانین اؤزل خیدمت اورگانی اولان اطلاعات‌لا امکداشلیغا جلب اولموشلار. اتهاما اساساً، فایق قوربانوو 2013.جو ایلده اطلاعاتین امکداشی اولان بیلال آدلی شخصله امکداش‌لیق ائتمیشدیر. بیلال، فایق قوربانووا آذربایجانین اگمن‌لیگی، اراضی توخونولمازلیغی کیمی ساحه‌لر اوزره مخفی معلومات‌لار الده ائتمک اوچون اؤزل تاپشیریق‌لار وئرمیشدیر.
سیمور رضا‌زاده ایسه اطلاعاتین غفاری آدلی عضوو ایله امکداشلیغا ائتمیشدیر. سئیمور رضا‌زاده غفارییه "من الله اوردوسونا عسگر سئچیلیرم" ایچریکلی یازیلی التیزام وئردیک‌دن سونرا اونا وئریلمیش تاپشیریق اساسیندا لنکران‌دا دینچی‌لرین وضعیتی ایله ماراقلانمیشدیر. لنکران دینچیلری ایله ایران کشفیاتچی‌سی آراسیندا معلومات آلیش وئریشی حیاتا گئچیرمیشدیر.
هر ایکی شخص آذربایجان میلی تهلوکه‌سیزلیک باخانلیغی‌نین امکداش‌لاری طرفین‌دن حبس ائدیلمیشدیر.
