بالکان تورک‌لری و اومورسوز دونیا
"تورک‌لر، تاریخین گؤردوگو ان بؤیوک آجی‌لاردان بیرینی یاشادی"
بالکان‌لار تاریخی ایله علاقه‌لی یازدیغی "اؤلوم و سورگون" کیتابی‌نین یازاری آمریکا‌لی تاریخ پروفسورو جاستین مک‌کارتی، دونن ایزمیرده، "بالکان تورک‌لری و قیدسیز دونیا" قونولو کنفرانسا قاتیلدی.
مک‌کارتی، بالکان‌لارین 1700.جو ایللرین ایکینجی یاری‌سین‌دان اعتباراً چوخ بؤیوک آجی‌لارا صحنه اولدوغونو ایفاده ائتدی.
بو تاریخ‌دن اعتباراً ایسترعثمانلی-روس ساواشلاری، ایستر بؤلگه‌دکی مستقیل‌لیک حرکت‌لری ایسترسه بالکان ساواشلاری سیراسیندا مسلمان‌لارین و اؤزللیکله ده تورک‌لرین تاریخین گؤردوگو ان بؤیوک آجی‌لاردان بیرینی یاشادیغینی دیله گتیرن مک‌کارتی، بالکان‌لاردا یاشانان چاتیشما‌لار و ساواش‌لاردا اؤلن‌لرین یوزده 65ینین مسلمان اولدوغونو سؤیله‌دی.
بالکان‌لاردان آنادولویا کؤچ ائدن‌لرین گئریده بوراخدیغی 4 یاخینین‌دان بیری‌نین اؤلدورولدوگونو ده سؤیله‌ین مک‌کارتی، بالکان‌لاردا مسلمان‌لارین و اؤزللیکله ده تورک‌لرین یاشادیغی آجی‌نین، هم ساییسال هم ده اؤزللیک باخیمین‌دان اینسان‌لیق تاریخی‌نین ان بؤیوک آجیلاریندان بیری اولدوغونو قید ائتدی.
