قزاقیستان-تورکمنیستان-ایران دمیریولو خطی 3 دسامبردا آچیلاجاق
دمیریولونون خیدمته گیرمسیله اوروپا، اورتا و جنوبی آسیایا، اورتا شرق ایستیقامتینده یوک داشیماجیلیغیندا آشاغی خرجلی و سرعتلی نقلیات کوریدورو میدانا گلهجک
قزاقیستان-تورکمنیستان-ایران دمیریولو خطی
قزاقیستان-تورکمنیستان-ایران اولوسلار آراسی دمیریولو خطی 3 دسامبردا مراسیمله آچیلاجاق.
آچیلیشلا دمیریولونون تورکمنیستان-ایران بؤلومو خیدمته گیرهجک. بویوک پروژهنین قزاقیستان-تورکمنیستان بؤلومو کئچن ایل می آییندا آچیلمیشدی.
دمیریولونون خیدمته گیرمسیله اوروپا، اورتا و جنوبی آسیایا، اورتا شرق ایستیقامتینده یوک داشیماجیلیغیندا آشاغی خرجلی و سرعتلی نقلیات کوریدورو میدانا گلهجک.
قزاقیستان، ایران و تورکمنیستان آراسیندا 2007-جی ایلده ایمضالانان راضیلاشماقلا تیکیمهسینه باشلانان دمیریولو خطینده هر ایل 3-5 میلیون تون یوک داشینماسی پلانلاشدیریلیر. ایرهلیلهین دؤورده داشینان یوک میقدارینین 10-12 میلیون تونا یوکسلمهسی گؤزلنیلیر.
دمیریولو خطینین 82 کیلومتری ایران، 700 کیلومتری تورکمنیستان، 120 کیلومتری قزاقیستان سرحدلریندن کئچیر.
خطین آچیلیش مراسیمینده علاقهدار اؤلکهلرین دولت باشقانلارینین قاتیلماسی گؤزلنیلیر.