تورک کنهشی داوام ائدیر
توپلانتیدا اورتاق تاریخ و ادبیات کیتابلارینین حاضیرلانماسی و اورتاق ائییتیم تلویزیونو قورولماسی کیمی مؤوضوعلارین اله آلیناجاق
![تورک کنهشی داوام ائدیر](http://cdn.trt.net.tr/images/xlarge/rectangle/10-11/Files/UploadedImages/1931495323trkkenei.jpg?time=1718923644)
تورک کنهشی/شوراسی ائییتیم باخانلاری آذربایجانین باشکندی باکیدا توپلاندی.
توپلانتیدا تورکیهنی میلی ائییتیم باخانی نابی آوجی تمثیل ائتدی.
نابی آوجی، ییغینجاق اؤنجهسینده یؤکسک اؤیرتیم قورولو باشقانی یکتا ساراچ ایله بیرلیکده آذربایجانین مرحوم پرزیدنتی حیدر علییئوین آنید مزارینی زیارت ائتدی.
آذربایجان و تورکیه شهیدلیگینی ده گزن آوجی، آنیدلارا قرنفیل بوراخاراق سایقی دوروشوندا بولوندو.
تورک شوراسی ائییتیم باخانلاری ییغینجاغی ایسه آذربایجان پرزیدنتی ایلهام علییئوین مکتوبونون اوخونماسییلا باشلادی.
تورک کنهشینین باش کاتیبی رامیل حسنوو، ییغینجاقدا، سون اوخول سویهسینده اؤیرنجی دییشیم پروگرامی، اورتاق تاریخ و ادبیات کیتابلارینین حاضیرلانماسی و اورتاق ائییتیم تلویزیونو قورولماسی کیمی مؤوضوعلارین اله آلیناجاغینی بیلدیردی.
آذربایجان ائییتیم باخانی میکایل جابباروو دا توپلانتینین امکداشلیغا قاتقی تامین ائدجیینی سؤیلهدی.
میلی ائییتیم باخانی نابی آوجی دا تورک اؤلکهلری آراسیندا اویومون اؤنمینه دقت چئکدی.
قیرقیزیستان ائییتیم و بیلیم باخانی کانات صادیقوو دا اونیورسیته و مسلک اوخوللاری سویهسینده اؤیرنجی دییشیم پروگرامینین اؤنمینی وورغولادی.
میلی تحصیل باخانی نابی آوجی، باکیداکی گؤروشمهلاری چرچیوهسینده تورک آنادولو لیسهسینی ده گزدی.
آوجی، بورادا تیکانین دستکلدیگی "هر مؤوسیم بیر ایشیق" پروژهسی چرچیوهسینده احمد جاواد انشا یاریشماسی اؤدول مراسیمینه قاتیلدی.
نابی آوجی، آذربایجان دیپلوماتیک آکادمیسینی ده گزدی، آردیندان آذربایجان باشباخان یاردیمچیسی عابد شریفوو ایله گؤروشدو .