رابعه قدیر: "بونو چین ده بیلیر"
قدیر، توختی‌نین هئچ بیر سوچ ایشله‌مه‌دیگینی، اویغورلارین حاق‌لارینی ایسته‌دیگینی قید ائتدی
دونیا اویغور کنگره‌سی باشقانی ربعه قدیر، آمریکانین باشکندی واشینگتوندا داوام ائدن بیرینجی اولوسلارآراسی اویغور مدنیت و توپلومو کنفرانسیندا سوال‌لاری جاوابلادی.
چینده "بؤلوجولوک" اتهامی ایله محاکیمه اولونان اویغور خوجا ایلهام توختی‌یه وئریلن عؤمور بویو حبس جزاسینی دگرلندیرن قدیر، "چین بو قرارلا، بیر داها بئله بیر حاق آختاریش‌لارینا گیرمه‌سین‌لر دئیه بو اینسان‌لاری قورخودور" دئدی.
قدیر، توختی‌نین هئچ بیر سوچونون اولمادیغینی چینین ده بیلدیگینی ایفاده ائده‌رک، توختی‌نین هئچ بیر سوچ ایشله‌مه‌دیگینی، اویغورلارین حاق‌لارینی ایسته‌دیگینی قید ائتدی.
اویغورلارا قارشی چینین باسقیسی گئده‌رک آرتسا دا گله‌جک‌دن اومودلو اولدوغونو دیله گتیرن قدیر، "توختی‌یه وئریلن بو حاق‌سیز جزا ایلک اؤنجه چینین بو دونیایا حقیقتا نه ائتمک ایستدیگینی گؤسترمیش اولدو. بیزی سؤیلدیک‌لریمیزده حاق‌لی چیخمیش اولدوق. سالدیرقان اولمایان یول‌لارلا دا حاقیمیزی ایسته‌سک چین بیزه باسقی ائدیر. بیزی اؤلدورور دئدیگیمیزده، دونیا بیزه اینانمیردی، ایندی بو بیر اؤرنک اولدو، ایلهام توختی ایله بیرلیکده دونیا بیزه ده اینانا‌جاق" دئیه دانیشدی.
رابعه قدیر، اولوسلارآراسی پلاتفورم‌لاردا ایلهام توختی‌نی قورتارماق اوچون بؤیوک بیر حرکت باشلاداجاق‌لارینی ایفاده ائتدی.
